237. De s. Helena Schedviensi.

la. voce dulcis melodiae
Teneremur in hac die
Helenae sollennia,

1 b. Quae post cursus huius viae
Felix die theoriae
Migrat ad solacia.

2 a. Haec Rebecca, flos decoris,
Hanc commendat cordis, oris,
Morum pudicitia.

2 b. Absoluta viri thoris

Sprevit ut Iudith amoris
Carnalis conubia.

3 a. Martham praebet se diei
Et Mariam requiei
Contemplando tempore

3 b. Dam non fovet hostes Dei
Iael uxor et Cinei
Prophetans par Delborae.

4 a. Alabastrum comminutum
Fragrans fudit vim virtutum.
Ut probant miracula;

4b. Caecus videt, et os mutum
Loquitur ad eius nutum,
Cedit leprae macula.

5 a. O Sueorum advocata,

Posce reis ut sensata

Thecuitis gratiam;

5 b. Fac ut Hesther elevata,
Quod gens tua Deo grata
Mereatur gloriam.