241. De sancta Katharina.

1. Salve, martyr et regina,
Virgo sponsa Katherina
Regis regum omnium,
Salva, sciens trinitatem
Et indivisam unitatem
Vere non per somnium.

2. Salve, quae in paganismo
Vero usa es baptismo

Cuncta spernens idola;
Salve, quae contra naturam
Vitam castam ducens puram

Vera es amygdola.

3. Salve, pulchra supra modum,
Colens trinitatis nodum,

Patrem, pneuma, filium ;
Salve, quae mundum vicisti,
Vera imitatrix Christi,

Ferens rosa lilium.

4. Salve, fortis in agone,
Proeliatrix cum dracone

Una cum Maxentio;
Salve, clamans: ego certo
Pro regno Dei in aperto

Et hoc sub silentio.
Salve, vincens quinquagenos
Oratores, sed amoenos

Verbis et ingenio.

5. Salve, caesa verbere,
Caeco clausa carcere

Caeli luce perfruens ;
Salve, cum militibus
Reginam caelestibus
Disciplina imbuens.

6. Salve, freta Christo, laeta
Regis spernens titulos,
Salve rotam vincens totam
Versam in incredulos.

7. Salve, dum sic inclinata
Stares morti praeparata,

Orasti ad Dominum ;
Salve, dicens: peto te
Iesu, sponse dulcissime,

Ut quicumque hominum

8. Christianae professionis
Meae mortis et passionis

Egerit memoriam,
In quacumque necessitate
Seu vitae extremitate
Me invocet, ob gloriam

9. Tuae propitiationis
Effectum suae petitionis

Consequatur plenissime.
Salve, postquam haec prolata,
Ad te vox de caelo grata

Affatur dulcissime:
Salve, veni, speciosa,
Dilecta flagrans ut rosa,

Tibi caelum apertum est.

10. Salve, quamCaesarproclamari
Iussit, post haec irrogari

Statim vitae dispendium.
Salve, gladium per amarum
Caput tuum libens carum
Deo dans stipendium.

11. Salve, cuius absque norma
Anima visa est in forma

Columbae candidissimae ;
Salve, in visu paganorum
Caelestem ascendisti chorum

Suscepta splendidissime.

12. Salve, virgo, postquam caesa
Pro sanguine lac de laesa

Vena prosilierat;
Salve, quod chorus angelorum
Corpus tuum, virgo, decorum

In Sina sepelierat.

13. Salve, decumbens in Sina,
Salutaris medicina

Prece te quaerentium;
Salve, cuius ex tumba manat
Oleum, quod morbos sanat

Cunctorum languentium.

14. Salve, martyr, funde preces,
Cordis mei purga faeces

Sensus terge vitiis.
Salve, confer quaeque bona,
Castitatis cinge zona

Et virtutum initiis.

15. Salve, cuius preces Deus
Exaudivit, clamor meus

Sic aures tuas impleat;
Salve, hanc petitionem
Propter tuam passionem

Dominus adimpleat,

16. Quod peccantem et pollutum
Me a poenis reddat tutum

Es a claustris inferi.
Audi, Cbriste, rex divine,
Per precatum Katherinae

Me sanctis tuis inseri.

17. Qui perire nullum sinis,
Ut me bonus tangat finis

In hoc praesenti saeculo,
Ut possim tecum gloriari,
Me in aeternum contemplari

In deitatis speculo.