238. De s. Henrico Upsalensi.

1 a. Coetus noster laetus esto
Pro Henrici sacro festo,
Est laetandi causa praesto
Praesulis celebritas.

1b. Quem elegit, quem dilexit.
Quem ornavit, quem provexit,
In sublime quem erexit
Divina benignitas.

2 a. Ortus in Britannia,
Pollens Dei gratia
Superna providentia
Pontifex efficitur.

2 b. Clarus in Upsalia,
Demum pro iustitia
Decertans in Finlandia
Pugil Christi moritur.

3 a. Miris signis et variis
Sanctum suum prodigiis
Declarat venerabilem

3 b. Deum verum, quem coluit,
Amavit atque docuit
Colendum et amabilem.

4 a. Martyr Dei, iam laborum
Et mercede tormentorum
Summo bono sine metu
Et sanctorum fruens coetu
In aeterna gloria,

4 b. Te laudantem nostrum coetum
Et in tua laude laetum
Fac in coetu angelorum
Sempiteena beatorum
Perfrui laetitia.