238.

1. Ave, virgo regia,

Salutis initium,
O mater egregia

Pellens Evae vitium,
Praecellens in moribus,
Flos fulgens prac floribus

Ceteris,

Hostis veteris
Caput contrivisti
Partu miro Christi.

2. Sol in luminaribus

Nec habens consimilem,
Te Deus prae paribus

Elegit ut plus habilem,
Es mundo sufficiens,
Lumen indeficiens

Gratiae,

Mentis acie
Verum videre solem
Fac nos, tuam prolem.

3. Luna terrae propior

Est aliis sideribus,
Sic tu gratiosior

Es prae sanctis omnibus,
Luna lumen recipis
Solis, et quem concipis

Splendorem

Praeter dolorem,
In terram diffundis
Visceribus mundis.

4. Es aurora rosea,

Diei principium,
Aula roris aurea,

Noctis exterminium ;
Quos per viam conducis,
Transfer ad verae lucis

Bravium,

Mentes omnium,
Consurgens aurora,
Divinitus irrora.

5. Stella stellis clarior,

Viam praebens errantibus,
Stella maris rarior,

Portum da navigantibus,
Currentes in stadio
Tuae lucis radio

Dirige,

Mentes erige
Ad astra divina,
Stella matutina.