242 Ex S. C. Episcoporum et Regularium

M A T R I T E N .

CREDITI

De cuiusdam monasterii incorporatione atque bonorum translatione.

Species facti. Vi legum eversivarum, quae initio saeculi elapsi novas alumnarum receptiones monialibus in Hispania vetabant, communitas claustralem franciscanarum vulgo de Nuestra Señora de los A ngeles civitatis Tolosae ad duas tan- tum sorores, Abbatissâ quoque defuncti, reducta fuit. Itaque ipsae incorporationem alicui eiusdem Ordinis monasterio a proprio Provinciali franciscano P. Espinosa postularunt; qui proinde litteris a. 1847 decrevit ut obedientiae Abbatissae conventus vulgo de N. S. de Cbstantinopla subiicerentur.

Interea Concordatum, inter S. Sedem et Gubernium Hi- spanum a. 185 I initum, statuit quod Gubernium illas tantum communitates Religiosarum approbatarum esset, quas Ordi- narii dioecesani proposassent ; et postea a. 1852 ephemeris officialis Regni sanxit a dictis monasteriis N. D. Angelorum et N. D. Constantinopolitanae, necnon S. Clarae unicam ef- formandam esse communitatem.

Cumque autem conventui N. D. Angelorum quaedam cre- dita a Municipio Matriti essent praestanda, Praelatissa N. D. Constantinopolitanae eadem repetiit, sed eventu omnino con- trario. Etenim Archiepiscopus Matriten., communitatem An- gelorum veluti extinctam habens, ad tramitem Instructionis inter S. Sedem et Gubernium Hispanicum a. 1 8 6 7 habitae, qua Acervo pio dioecesano bona vacantia extinctarum com- munitatum adiudicata sunt, ipsamet credita a Municipio Ma- tritensi obtinuit. Tunc Abbatissa ab ipso Archiepiscopo sua iura poposcit ; at dioecesana Curia pronuntiavit credita in casu restituenda non esse. Quare Praelatissa N. D. Constantino- politanae ad H. S. C. recursum obtulit.