239. In Translatione s. Henrici Upsalensis.

la. Ecce, magnus presbyter,
Qui placere iugiter
Studuit altissimo:

1 b. Certans pro iustitia
Christi factus hostia
Fermentato azimo.

2 a. Pater nectus filio,
Ovibus opilio

Violenter pressus est.

2 b. Pastor gregem instruit,
Grex pastorem obruit,
Nec cedit, dum caesus est.

3 a. O sanctum pontificem,
Qui Domini calicem
Exhausit martyrio:

3 b. Dum accessit stadio,
Non fraudatur bravio
Palmae florens praemio.

4 a. De valle miseriae
Martyr migrat hodie
Laureatus sanguine ;

4 b. Revelata facie

Regem cernit gloriae
Incircumscripto lumine.

5 a. Gaude, plebs Finnonica,
Hoc patre regenita
Sacri fontis utero.

5 b. Christe, nos ad caelica
Per Henrici merita
Pio transfer umero.