244 MATRIMONII.

cia in qua mansit octo dies vel ad summum, ut alii deposue- runt, duodeviginti dies.

Id autem summi momenti erat ostendere in praesenti diffi- cili causa quamvis prima fronte facilis fortasse videatur: namque, primo vere habito domicilio tempore matrimonii non adhuc de- relicto, cum mulier ex hoc ipso vaga dici non posset ; cumque novum neque domicilium nec quasi-domicilium acquisivisset in nova paroecia, nullitas matrimonii consequebatur ex carentia proprii alterutrius sponsi Parochi.

Facta itaque hac rerum enarratione, facile applicavit Defensor doctrinam S. Congregationis, quam inter caeteros refert Bene- dictus XIV. in Inst. 33 n. 8 nec non, dum esset S. Pontifex, in Const. Paucis ab hinc, in qua eam normam tradidit, quam se- quuta erat S. Congregatio Concilii iuxta Fagnanum in Cap. Si- gnificavit de Parodi, n. 39 ubi scriptum reliquit: «)Vir et Mulier » Traiectenses timentes impedimentum a parentibus cum ad vi- » cinam urbem Aquisgranam se contulissent, S. Congregatio con- » sulta super validitate censuit , exprimendum tempus, quo con- » trahentes Aquisgranae manserunt, quod si fuerit saltem unius )) mensis dandam esse decisionem pro validitate. »

In praesenti autem themate, cum sponsi e propriis paroeciis discessissent ut declinaretur impedimentum quod mater Sem- pronii fuisset allatura: cumque se transtulissent in novam pa- roeciam ibique octo tantum dies permansissent, planum esse in- ferebat, iuxta doctrinam S. Congregationis, nullum censendum esse matrimonium.

Hisce copiose animadversis ad aliam potiorem difficultatem su- perandam gradum fecit Defensor, petitam ex carentia domicilii, quasi vero vaga dicenda esset Caecilia. Recte autem praenotavit, tum Livium in suo formali examine, tum Caeciliam in secunda sua iudiciali confessione, non vero in prima, rem ita studiose deposuisse, ut insinuarent se vagos esse habendos, quasi vero nullum haberent domicilium nisi ubi actu degerent.

Sed animadvertit Defensor, difficile esse quemquam sine do- micilio esse L. 27 ff. ad Municip. §. 2 ubi Paulus a i t : « Difficile est sine domicilio esse quemquam, puto autem et hoc procedere posse, si quis domicilio relicto naviget vel iter faciat quaerens quo se con- ferat atque ubi consistat: nam hunc puto sine domicilio esse. Quem