244 MEDIOLANEN.

illum hortatus est, ut duos alios condominos ad sui muneris satisfactionem induceret. Ex hac d ie , controversia inter illum et sacerdotem Chieppi, et Crespi Porro acriter, et non sine populi admiratione percrebuit ; in qua tamen parochus numero superatus coram Archiepiscopali Curia Mediolanensi adversarios vocavit. Iamvero Curiae Archiepiscopalis iudices, rationibus utriusque partis ad trutinam vocatis, excussisque testibus et omnibus peractis, die 21 Decembris 1889, dede- runt sententiam haec inter alia decernentes : 1. Institutum Biotti nequaquam Oratorium, sed scholam esse festivam pro puellis fundatam. 2. Tam Sac. Iosepho Tettamanti quam Sac. Pio Chieppi et Sac. Leopoldo Crespi Porro paria iura et officia, tum quoad fiduciariam Instituti proprietatem, tum quoad ipsius gestionem et praelationem competere.

Haec sententia praeposito Testaménti haud arr is i t , qui propterea tempore ab iure statuto ad S. C. appellationem interposuit.

Disceptatio Synoptica

IURA PAROCHI. In primis animadvertit, quod etiamsi con- tra omnem veritatem admittatur theologum Biotti nihil aliud instituisse quam scholam, nihilominus parochus iure communi ceteris omnibus in ea praestare deberet. Pia enim mater Ec- clesia semper sollicita fuit ut fideles a prima eorum aetate religionis praeceptis imbuerentur atque ideo iussit, ut in scholis quibuscumque sacra cathecheseos doctrina ministra- retur. Ita docet Textus in cap. 3 De vit. et honest, der. « Quisque presbyter qui plebem regit clericum habeat qui secum cantet epistolam et lectionem legat, et qui scholas possit tenere, et monere suos parochianos ut filios suos ad fidem discendam mittant ad ecclesiam, quos ipse cum omni castitate erudiat. > Ita tradit Van-Espen Ius eccl. univ. par. 2 sect. 1 tit. 11 cap. 5 ; ita pressius Synodus prov. 2 Mechliniensis cap. 5 apud eumdem auctorem, praecipit « ut scholas dominicales frequentantes, non tantum doceantur le- gere et scribere, verum etiam et quidem praecipue instituan-