240. In Decollatione s. Johannis B.

Ad Tertiam.

1. O stupenda baptistae sanctitas,
Quem honorat ipsa divinitas,
Cui tota monstratur trinitas,
Non est illi nec erit paritas.

2. Is lucifer, solaris radius,
Trinitatis testis et medicus,
Paranymphus sponsi ac socius,
Summi regis amicus intimus.

3. Ruhet tantus cruore roseo,

Proh dolor, jam caput cum gladio
Trucidatur, fertur convivio,
Saltatrici datur pro praemio.

4. O baptista, vates eximie,

Quem coelestes laudant excubiae,
Jam sanctorum splendes in acie,
Per te locus nobis sit veniae.

5. O lucifer, finis moestitiae,
O jucundum jubar laetitiae,
Famulantem valle miseriae
Odas, voces precesque suscipe.

6. Sit laus nato, patri, paraclito,
Trinitati carenti termino,
Ac baptistae pio suffragio
Collocemur coelorum atrio.