PRIVATIONIS PAROECIAE 2 4 S

famam hoc in casu plurimi esse faciendam; scitum est enim eumdem aliam vitiasse foeminam, ut ex facto innotuit, quod ipsam in iudicio induxerat ad falsum dicendum. Ita ut honestae mulieres ipsi inservire renuerint, prout testes perhibent; quoniam publica fama ipsum praegnantiae famulae suae habuit auctorem.

Et eo vel magis hoc argumentum crescere, ait, si non- nullorum attendantur iuratae depositiones. Asseruit enim aliquis vidisse Parochum minus honeste se gerere cum muliere quadam; alius ait audivisse a famula ipsa parochum graviditatis auctorem fuisse. Constat insuper apud se in famulatu adhuc retinere mulierem illam, non obstante trina monitione. Quae omnia in aprico ponunt, dictae praegnantiae Iacobum esse auctorem, ideoque sententiam Curiae confirmandam esse.

Propugnavit orator in secunda parte suae allegationis pri- vationem paroeciae decernendam esse. E K dispositione enim Cap. Si autem 6 de cohabit. cleric. et mulier, habetur quod si clerici fornicarias detineant mulieres « nisi eas ad secundam vel tertiam commonitionem a se amiserint, eas contempturi de caetero, liceat tibi eos Ecclesiis vel eorum pensionibus, appel- latione postposita, spoliare. » Item Trid. Cap. 6 Sess. 21 de Ref. mandat Episcopis, ut parochos qui turpiter et scandalose vivunt f postquam praemoniti fuerint, coerceant et castigent et si adhuc incorrigibiles in sua nequitia perseverent eos beneficiis, iuxta sacrorum canonum constitutiones, exemptione et appellatione qua- cumque remota, privandi facultatem habeant. »

Quibus innixus auctoritatibus conclusit orator, procedi posse ad privationem paroeciae contra parochum turpiter et scandalose viventem, quando constet de concludenti criminis probatione et de praemissa canonica forma uti in Gaudisien. Parochialis 24 Augusti 1878 § Contra. Atqui ex dictis probatum videtur crimen Iacobi, qui post trinam monitionem e suo famulatu mulierem dimittere renuit; ex quo inter concubinarios cooptan- dum esse Iacobum arguit, et paroeciae privatione puniendum. Ad rem Reiffenst. lib. 3 decret, tit. 2 de cohabit. chr. cum mulier. §. n. 18. « Si clericus conversetur cum famula suspecta, et » post trinas admonitiones inveniatur cum ea fabulari vel aliquo