ORITA.NA. 245

Quum Curia metropolitana reponat : veniam auctoritatis ecclesiasticae pro religiosis functionibus faciendis apud Con- fraternitates non constituere collationem iuris , quo iam fruuntur , suapte natura, quodque de prima in secundam transeat, sed esse simplicem actum conniventiae, quo mo- deratur exercitium iuris ipsius. Auctoritatem ecclesiasticam ius habere permittendi, ordinandi functiones ecclesiasticas; sed ex eo quod ius habeat eas moderandi, non sequitur hoc transfundi in sodalitio, quando permissio eidem indulgeatur... observat advocatus, hanc argumentandi methodum in sophis- mate fundamentum habere. Siquidem Curia oritana cum de- creverit, in casu Confraternitates contendentes nullo iure pollere, processionem ss. Martyrum peragendi, non denegavit, aliquando hoc ius ad confraternitates, in genere pertinere posse, sed constituit, id quod eruitur ex Sess. XXV cap. 13 De reformatione Conc. Trid. scilicet, huius iuris exercitium, episcopali auctoritati esse omnino subiectum : Episcopus enim in controversiis de praecedentia « amota appellatione, et non obstantibus quibuscumque componat, decernit ».

Praeterea notat patronus, immerito sane Curiam metro- politanam recognovisse in Confraternitate divi Bernardini ius praecedentiae, cum omnino desiderentur documenta, ne- que ad hoc sint sufficientes permissiones, quas ab anno 1859 obtinuit publicas supplicationes ducendi. Quum ex adverso cultus horum ss. Martyrum sane anterior extiterit apud aliam Confraternitatem, prouti ipsi Sodales s. Bernardini negare non audent.

Imo, pergit orator, adest pro sodalitate B. V. sine labe conceptae requisitum prioritatis temporis etiam in peragenda processione. Nam in Archivio Confraternitatis B. M. V. sine labe conceptae documenta tandem adinventa sunt, et prostant in actis ex quibus evidentissime apparet, Confraternitatem B. V. sine labe conceptae, ab anno 1852 permissionem obti- nuisse publicam peragendi processionem.

Quod patronus confirmat per depositiones testium, factas coram Notario Corona.