Scholium.

Refert circa hanc et quaestionem praecedentem quatuor sententias de suscipiendo magis, seu de intensione formae. Secundam retulit, et rejecit quaest, praeced. Item et tertiam, quae ponit formas in se indivisibiles, sed intendi ratione subjecti, quae censetur D. Thomae 1. 2. quaest. 51. artic. 1. et 2. et 2. 2. quaest. 24. art. 5. ubi Gajetan. Capr. 1. dist. 17. quaest. 2. Socin. hic q. 21. Javell. q. 6. quam fuse refutat Doct. 1. d. 17. q. 5. 6. et 3. Phys. q. 3. 4. 1. et 4. opiniones exoleverunt. Est et alia opinio Goffredi quodlib. 11. q. 3. Durandi 1. dist. 17. q. 7. et aliorum formam dum intendi dicitur totam perire, et aliam ei succedere, quam hic non refert Doctor, sed locis citatis late eam refutat

Circa istas duas quaestiones de magis et minus sic procedendum est. Primo recitandae sunt opiniones, et improbandae. Secundo, veritas declaranda est. Opiniones sunt tres. Prima ponitur, et improbatur ab Auctore 6. Principiorum, quod magis est propter incrementum subjecti, vel accidentis, vel utriusque tam in eodem quam in diversis. Probatur, gravius est, quod habet majorem gravitatem extensive. Contra, susciperet tunc magis, quia incrementum recipit secundum quantitatem, ut vir major puero. Item, quantitates solae per se, et figurae quae consequuntur, quia illae quae per se crescunt, reciperent magis, quod est contra Aristotelem in Praedicamentis. Tum in cap. de Quantitate et Qualitate. Tum infra, quadratum crescit gnomone circumposito, non tamen alteratum est. Item, omne majus album, esset albius, patet esse falsum.

Opinio alia de contrario prius ponitur cum improbatione. Item, improbatur de magis et minus in lumine in medio, ubi non est contrarium. Similiter de virtute sine omni vitio, et gratia sine peccato in statu innocentiae. Item, motus in magis est dealbatio;ergo terminus ad quem, non est tantum separatio nigredinis. Item, opinio tertia de magis secundum esse in subjecto ponitur prius. Pro hac Boetius in Praedicamentis. Contra ipsum arguitur : Prius in infinitum, etc. Istae duae opiniones negant in essentia magis per hoc. 6. principiorum, Forma est compositi, etc. Item, differentia formalis est specifica. Item, addito aliquo, non manet species. Contra illam conclusionem, illud prius factum habitibus praesentibus, etc. Item, illud contrarium in uno gradu est incompossibile alteri, in alio non; igitur in primo aliquid habet in essentia quo repugnat, non per subjectum. Opinio quarta Auctoris 6. Principiorum, quod magis est per accessum ad terminum, in quo fit incomposilio nominis. Contra, tunc nihil esset album albedine, nisi albissimum.