246 Acta Apostolicae Sedis - Commentarium Officiale

tutionem et confirmationem Societatis Iesu per Praedecessores Nostros

Romanos Pontificos a fel. rec. Paulo I I I ad haec usque tempora datas,

tam sub plumbo quam in forma Brevis confectas, et in iis contenta atque

inde secuta quaecumque, nec non omnia et singula vel directe vel per

communicationem cum aliis Ordinibus regularibus eidem Societati im-

pertita, quae tamen dictae Societati non adversentur, neque a Tridentina

Synodo aut ab aliis Apostolicae Sedis constitutionibus in parte vel in toto

abrogata sint et revocata, privilegia, immunitatis, exemptiones, indulta

hisce Litteris confirmamus et Apostolicae auctoritatis robore munimus,

iterumque concedimus ».

Quam Decessoris Nostri privilegiorum et iuris peculiaris Societatis Iesu

confirmationem, ex certa scientia et propensa erga eandem Societatem

voluntate, iteramus atque apostolicae Nostrae auctoritatis robore, quate-

nus opus sit, denuo munimus, eamque etiam post novum Codicem iuris

canonici plene vigere edicimus, iis tantum exceptis privilegiis, quae a cano-

nibus eiusdem Codicis expresse revocata fuerint, neque a Nobis dein quo-

cumque modo restituta. Persuasum enim habemus fore ut Societas Iesu

eo securius atque alacrius in vinea Domini in maiorem Dei gloriam et

Ecclesiae utilitatem comparandam incumbat, quo firmius consistant

omnia et singula quae Legifer Pater, divino affiatui parens, voluit religioni

a se conditae propria esse et peculiaria.

Sint igitur dilectae Nobis Societati Iesu hae Litterae Nostrae novum,

post tot alia a Nobis eidem impertita, Nostrae benevolentiae testimonium,

eique, huic Sanctae Sedi devotissimae ac propterea tot tantisque impetitae

calumniis, levamen aliquod afferant, quo recreati eius sodales impensius

in dies « iuxta pium eorum institutum (ut memoratae Tridentinae Synodi

verbis utamur) a Sancta Sede approbatum, Domino et Ecclesiae eius inser-

vire possint » (Sess. X X V , cap. 16, de Regularibus ubi de Societate Iesu).

Eiusdem vero paternae Nostrae benevolentiae testis etiam esto apo-

stolica benedictio, quam dilectis filiis Praeposito generali et sodalibus

Societatis Iesu peramanter in Domino impertimus.

Decernimus autem has Litteras Nostras firmas, validas et efficaces exsi-

stere et fore, suosque plenarios et integros effectus sortiri atque obtinere,

et iis ad quos spectant et spectare poterunt plenissime suffragari, sicque

rite iudicandum esse ac definiendum; irritumque ex nunc et inane fieri si

quidquam secus super his a quovis, auctoritate qualibet, scienter sive igno-

ranter attentari contigerit. Contrariis non obstantibus quibuscumque.

Datum Romae apud Sanctum Petrum, sub anulo Piscatoris, die xn

m. Martii an. MDCCCCXXXII I , Pontificatus Nostri decimo secundo.

E . Card. P A C E L L I , a Secretis Status.