246 THEANEN.

rentur. Iustum autem non videri eos onera ferre, et benefi- cium quod alii sentiunt, eos non sentire. Neque ad hanc iniustitiam tollendam excipi posse dicendo, decanum aliosque tres speciali emolumento aut ex praebenda aut ex duplici quota frui : quandoquidem cum hoc emolumentum ad obeun- dum specialibus oneribus datum s i t , computari haud posse videtur.

Quod vel fortius retineri debere contendit ultimo loco patronus, si considerentur absurda quae ex contraria doctri- na venirent; nam octo canonici si tantum inter se censum 1660 dividerent , contingeret ut ipsi idem ferme ac deca- nus aliique tres canonici consequerentur; quod non videtur aequum, nam decanus aliique tres praebendati maiora imo duplicia ferme onera ferunt.

His stantibus postulat orator ut tam census 1660 libel- larum, quam manualis summa 19, 196 libellarum ex retro- actis censibus efformata cedere aeque debeat ac dividi inter omnes: et cum post civilem sententiam octo canonici hanc manualem summam praesumpserint inter se dividere eos etiam suspensionis interminatione adigere ad male perceptam pecuniam restituendam.

D E F E N S I O OCTO CANONICORUM. Qui partes agit loco cano- nicorum ait, ad evertendam omnem argumentationem ex. adverso allatam unum satis esse evincere, scilicet, id quod gubernium restituit non provenisse ex sorte aliqua vel prae- dio, quae omissa fuerint, cum bona omnia capituli conversa fuere, quaeque postea reperta sint, et communi massae ad- dita ut singulorum portiones augerentur; sed ex reductione tributi seu ex condonatione illius falcidiae, quae primum omnibus indistincte irrogata erat, et dein ad aliquos tantum- modo coarctari placuit, ad eos scilicet qui reditum haberent 1600 libellis maiorem. Porro cum in capitulo Theanensi qua- tuor canonici hunc reditum nedum attingerent, sed et ex- cederent, minime vero reliqui octo, hinc in horum dumta- xat favorem, non autem illorum, reductio tributi seu con- donatio falcidiae facta est ac fieri debebat; atque ideo tum