246 MEDIOLANEN.

opere adiutrices loquuntur de institutione praefata theologi Biotti; scilicet de oratorio et schola festiva ab ipso fundata.

Neque ab incepto unquam destitit pius sacerdos, quinimo ad uberiores pietatis et religionis fructus obtinendos, omnes ingenii ac substantiae vires ad illud perficiendum* intendit ; adeo ut anno 1868 ab archiepiscopali curia Mediolanensi ob- tinuerit oratorium solemniter lustrari in eoque SS. Eucha- ristiae sacramentum ad decennium asservari.

Denuo demum 1882 oratorio stabilem sedem dare cura- vit, et pecunia partim propria, partim ex piis donationibus collecta, terrae superficie empta, aedificium construxit cuius integri sumptus aestimantur in summa 40,000 fere libellarum.

Ex facto autem fundationis consequi autumat patronus regiminis potestatem : absonum enim esset quemquam in operis gubernio contra fundatorem praevalere. Et reapse theologum Biotti ab ipso exordio oratorii regimen sibi assum- psisse testantur adiutrices et aperte confirmant magistrae Gallazzi, Vannetti et Pozzi.

Hisce positis, nescit orator quo iure, quibus praesidiis ad- versa sententia censuerit adversarios et parochum pares esse.

Neque refert quod Sacerdos Chieppi, summam lib. 2500 contulisse asserat. Hoc enim etsi contra rei veritatem ad- mittatur, nihil suffragantur, quandoquidem ad legitima fun- datoris iura per participationem adquirenda non quaelibet dotatio satis est, sed dotatio saltem aequalis antecedenti es- set probanda. Ita docet Gagliardi De iurepatr. t. 1 pag. 86 et 77. Quia, ait S. Rota in decis. 29 n. 30 part. 7 re- cent. « augmentum dotis non est dotatio, qui enim auget dotem dicitur benefactor, non donator. »

Nec quoad regiminis iura magis iuvantur iis quae ex adverso iactitantur, cum ex Theologi depositione, necnon ex Patriarchae Alexandrini testimonio liqueat Sacerdotes Chieppi et Crespi coadiutores tantum fuisse.

Post haec ad expendendam pii operis, naturam et qua- litatem pergens patronus animadvertit, ipsam positam revera esse praecipue in religiosa puellarum institutione, ac proinde