246 O R I T A N ' A

Hisce praenotatis, suppositum fuit diluendum

Dubium

An sententia Curiae metropolitanae sit confirmanda, vel infirmanda in casu.

RESOLUTIO. Sacra C. C. re disceptata sub die 2 0 Iulii 1 8 9 5 censuit respondere: Nullam esse appellationem.

Ex QUIBUS COLLIGES : I. Permanere in sua vi et robore sententiam Curiae oritanae, ex eo quod nulla declarata fuerit appellatio ab ea ad Curiam metropolitanam, utilis temporis appellandi expirationis causa.

II. Ex Tridentino Sess. 25 cap. 13 de regularibus, ad Episcopum, amota omni appellatione, spectare ius compo- nendi controversias inter personas ecclesiasticas, tam saecu- lares, quam regulares, ex quibus scandala saepe gignuntur.

III. Hinc congruum videri, ut Episcopi definiant quae- stiones de iure et de praecedentia in processionibus inter sodalitia propriae Dioecesis, antequam iurgia et scandala efferbuerint.

IV. Privativum Episcoporum ius esse, quaslibet indicendi processiones, ac etiam, cum causa, easdem prohibendi ; ex- ceptis iis, quae publice fieri debent iuxta ritum et ordinem in missali et rituali praescriptum.

V. Quum duae processiones eadem die et eodem loco a duobus sodalitiis fieri incongruum sit, Episcoporum est, ad quaestiones praecedentiae praecidendas, praeferre sodalitium, propriam temporis anterioritatem formiter evincens.

VI. Quatenus in tenebris delitescat verum institutionis tempus unius aut alterius ex Sodalitiis, propria auctoritate suffultus Ordinarius, praeferat ut arbiter, alterum alteri, quod in Domino expedire sibi videbitur.