246 ALBIEN.

de matrimonii inconsummatione supersit, dispensationi oh graves et legitimas causas locus esse videtur.

Atque in primis extare animadvertit maximam animo- rum aversionem, quae tanta est, ut eorum reconciliatio nullo pacto sperari possit.

Alteram causam adducit patronus ex ipso morbo quo Urbanus affectus est, quandoquidem acerbum, atque inhu- manum esset, infelicem puellam perpetuo a matrimonio ar- cere aut in sinum corrupti atque exosi mariti, velut per vim, impellere, ut et ipsa turpi morbo inficiatur, quo aut vitam amittat, aut miseram et aerumnosam ducat.

His omnibus accedit periculum incontinentiae, in quo misera actrix in ipso ineuntis iuventutis fervore versatur. Eo vel magis quod haec apud Gallos lex vigeat, ut post tres separationis annos, alterutra parte petente, civile di- vortium concedatur. Quod si fiat, neminem latet in quod discrimen ventura actrix sit, quae et iuvenis est, ac viri praesidio vel maxime indiget, ut ad civile, quod appellant, matrimonium confugiat.

ANIMADVERSIONES DEFENSORIS S. VINCULI. E contra vin- culi defensor in primis observat, omnes testes productos esse ab ipsa Maria. Mirum proin non est, quod actricis v i r - tutes ad sidera tollant omnemque culpam detorqueant in Urbanum. Non facile contingit ut testis aliquis quidpiam proferat adversus inducentem. Hac de causa fit, ut nullo in negotio neque in iudiciis triobuli lis actori adiudicetur in fide testium ab ipso inductorum. Et quod attinet causas ma- trimoniales Instructio a S. O. C. edita die 22 Augusti 1840 mandat: « Procedendum erit ad examen septimae manus,. hoc est septem propinquorum ex utroque latere ad formam text. (in cap. Litterae Vestrae, de frigid, et malef.) ».

Quod quidem examen, pergit orator, iure decretalium negligi nequit, quin sententia vitio nullitatis tabescat, ceu tradit Sánchez, De matr. lib. 7, disput. 108, n. 9. Sacra vero Congregatio C. quaerenti Archiepiscopo varsaviensis « Sitne in causis nullitatis matrimonii ex quocumque titulo