THEANEN. 247

syngrapha publici census, de qua agitur in primo dubio, tum summa 19, 196 libellarum, quae repraesentat fructus ex eo censu ab anno 1873 ad annum 1886 cumulatos, et a gubernio apud se usque tum reteñios, de quibus agitur in secundo dubio, in favorem octo pauperiorum canonicorum, non vero ditiorum, cedere debebat, ac reapse cessit.

Et revera id evincitur primum ex lege civili 19 Iunii 1873, quae cavet quinam benefìcio reductionis tributi frui debeant, et quinam excludi : deinde ex decreto Praepositi publici aerarii per epistolam ad capitulum misso, in quo de- claratur octo dumtaxat canonicis ius esse recipiendi id quod ex eorum portionibus demptum primitus fuerat : tandem ex testimonio adversariorum qui in supplici libello, S. C. C. porrecto, idem aperte professi sunt. Proinde, concludit ora- tor, uno veluti ictu ruere quae praebendati canonici extru- xere, cum id huic innitantur supposito, idest quod restitutio summae et reductio tributi non octo canonicis concessa sit a gubernio, sed toti massae communi, quod prorsus alienum est a veritate.

Nodum in scirpo quaerunt adversarii, inquit, cum, ut aliquid lucrentur in praeiudicium octo canonicorum, ad ver- ba confugiunt quibus gubernium uti maluit cum syngrapham census et cumulum libell. 19, 196 non octo canonicis, sed capitulo inscripserit, aientes, omnes capitulares indiscrimi- natim eo frui debere quod capitulo restitutum est; nam prae- sumitur ex tota massa demptum prius fuisse. At incassum. Equidem vero non ad verba respiciendum est, sed potius ad causam quae movit gubernium ad restituendum, quam cau- sam nimis affectant oblivisci quatuor ditiores canonici.

Praeterea compertissimum est tributum non totam mas- sam gravare, sed singulas portiones, postquam a massi sunt divisae. Quod adeo verum est, ut inaequaliter quisque gra- vetur, nam qui reditum percipiunt maiorem libellis 1600 integram patiuntur falcidiam, qui vero minori reditu hone- stantur tributum solvere tenentur super eo tantummodo quod 800 libellas excedit. Quapropter massa communis im-