VELITERNA

247

IURISDICTIONIS PAROCHIALIS

Die 22 Iunii 1805. Concil. Trid. Sess. 24 c. 13 de reform.

COMPENDIUM FACTI. In civitate Veliterna iampridem Pa- rochus ad S. Michaelis Archangeli et Parochus ad S. Mariae e Trivio inter se contendunt de iurisdictione parochiali in quamdam domum, antea familiae Toruzzi, modo nobili fami- liae Gratiosi pertinentem. Discordiae causa plane ea videtur esse quod haec domus numquam per iurisdictionem Eccle- siasticam privative uni vel alteri adiudicata fuerit ; confu- sionis vero origo ea fertur extitisse, nempe hanc domum unam evasisse ex duabus, brevi intercapedine divisis, quarum una in paroecia S. Michaelis , alia in S. Mariae paroecia sita erat.

Hactenus, ad discordiam conciliandam, permissa fuit cu- mulativa iurisdictio utrique parocho in eamdem domum, uti aperte inter cetera testatur factum benedictionis Paschalis, quae successive ab uno alteroque parocho impertitur dictae domui in feria Sabbati Sancti. Sed haec munerum parochia- lium cumulatio in duobus parochis sane molesta evadit eius- dem domus inquilinis, itemque est non infrequens inter pa- rochos controversiarum occasio. Quamobrem non semel co- nati sunt definitive quaestionem dirimere , quum alteruter parochorum sibi privative iurisdictionem parochialem vindi- caverit. - Ita in possessorio, sub anno 1730, apud Curiam Veliternam, quum exercitium parochialium munerum inten- deret interdicere Parochus ad S. Mariae e Trivio Parocho ad S. Michaelis, hic obtinuit Interdictum Manutentionis, qua eius pacifica possessio earumdem iurium recognita fuit. Dein in petitorio promota quaestione, placuit contendentibus per arbitrum compromissarium rem componere ; electo in arbitrum eiusdem Curiae Vicario generali. Qui, die 27 Octobris 1752, consideratis considerandis, in hanc devenit sententiam ; nempe sese censere aequalem esse competentiam