245. De sancto Iacobo Maiore.

1 a. Exultans in salutari
Deo voce, mente pari
Iubilet ecclesia,

1 b. Quam coronat illustratam
Et illustrant exornatam
Iacobi sollemnia.

2 a. Qui natus ex Zebedaeo,
Longe praeelectus Deo
Ante saecularia,

2 b. Futurorum typum gerens,
Pisces hamo, reti quaerens,
Nave sulcat maria.

3 a. Quem inventum cum Iohanne
De maris vocavit amne
Iesu Christi gratia,

3 b. Piscari iubet in mundo,
Gentem noxas de profundo
Quorum trahant retia.

4 a. Qui relicto patre, reti,
Nave, praeceptoris laeti
Sequuntur vestigia,

4 b. Quis ostendat ut rem gran-
dem,
Duxit hos in montis tandem
Cum Petro fastigia.

5 a. Ne futurus hos defectus
Frangat, hominis despectus
Et mortis opprobia,

5 b. Illustrari meruerunt,

Caeli regem dum viderunt
In decoris gloria.

6 a. Hinc in fines vadit orbis
Iacobus, ut ferat morbis
Criminum remedia.

6 b. In Iudaea verbum Dei
Qui dum spargit, obstat ei
Magorum versutia.

7 a. Quos convincens Christo iun-
git,
Paenitentia perungit
Horum dum praecordia;

7 b. Hoste tandem supplautato
Et cum Deo colluctato
Per Iacob in hac via.

8 a. Israel it contemplari
Christi vultum, sociari
Cui mereris, Iosia;

8 b. Edom pridem, sed iam vita
Mutatus Israelita,
Esau vitans odia.

9 a. Quos Iudaeos non Iudaea,
Sed, sanctorum eum sit rea
Sanguinis, Aegyptia

9 b. Fugat ab hoc mundi mari,

Iubet ambos decollari

Herodis saevitia.

10 a. Quorum prece, Iesu bone,
Duc vitato Pharaone
Mundi per haec invia:

10 b. Nos cum Israele mari
Transito fac epulari
Mel et lac in patria.