249. De sancto Kentigerno.

Ad Matutinum.

1. Matutino tempore

virtute divina
Kentigernus suscitat

a mortis ruina
Virum atque volucrem,

gaudet tunc regina,
Annulus cum trahitur

de fauce piscina.

Ad Primam.

2. Hora prima coeperat

corpus castigare,
Quater in hebdomada

solet ieiunare,
Gelidos ramusculos

in ignem sufflare,
Sicco pede transiens

vult flumen calcare.

Ad Tertiam.

3. Hora nempe tertia

peregre laborat,
Romam visit septies,

papa quem honorat.
Ut serviret praesuli,

avi se decorat
Et campanam sustinet,

quae sonos dulcorat.

Ad Sextam.

4. Hora sexta pontifex

in Glasgu moratur,
Lupus cervo iungitur,

ut terra colatur,
Iubet, ut pro semine

arena spargatur,
De qua suo tempore

messis grata datur.

Ad Nonam.

5. Hora nona Domino

paret imperanti
Terra, praebens cathedram

sancto praedicanti,
Sacramenta praebuit

Merlino precanti,
Post mortemque spiritum

terra dat creanti.