TARNOVIEN. 249

tionem ab integritate hymenis virginalis actricis desum- ptam; quoniam, inquit, Helenae integritas, dato quod reapse subsistat, non statim consequitur, ut id viri impotentiae adscribi debeat.

Quod de impotentia matrimonio praeexistenti dictum est, idipsum de altera essentiali impotentiae conditione, nempe de ipsius perpetuitate asserendum esse propugnat; quandoquidem archiatri inter se dissident atque discordant. Profecto si ex una parte duo rei periti asserunt: quod im- potentia D. Antonii Broniewski relate ad suam uxorem est absoluta, insanabilis et perpetua; ex altera vero medi- cus Lorenteski iudici percontanti respondere haud dubitat: impotentiam relativam esse sanabilem, et si adest foemi- na, quae in actu matrimoniali sese plus active, quam passive haberet, absque dubio Antonius Broniewski consum- maret actum carnalem, si non prima vice, saltem postea.

Posita autem huiusmodi medicorum discrepantia, in the- mate recolendum esse subdit, quod de medicis sive peritis tradit De Luca Disc. 33 n. 20 de iudic, scilicet peritos vel uti testes, vel uti consiliarios adhiberi solere. Iamvero si ut testes medici in casu adhibentur, parum vel nihil eorum testimonio fidendum esse edisserit, quoniam, cum scitissimum sit testes contradictorios ad invicem lacerari et. conquassari, unus tantum favore adversae actionis superest, medicus, qui nihil probat, quia unus testis, nullus testis. Si vero medici adhibentur tamquam consiliarii iudicium duorum rei peritorum multis subiici exceptionibus. Nempe 1. corporalem inspectionem ipsi non seorsim, sed congloba- tim peregerunt; 2. desideratur peractae inspectionis scripta relatio, siquidem in actis nonnisi superadditae quaedam re- sponsiones habentur in spretum Instructionis S. O. C. diei 22 Augusti 1840, quae praecipit: « Singuli ex peritis ac » seorsim corpus viri inspicient ea qua fieri poterit decen- » tia, et factis experimentis, quae iuxta artem, non tamen » illicitis, opportune iudicabunt, singuli scriptam emiitent » relationem. »