MEDIOLANEN. 249

dum... Quin imo ut post Innocentium notat Io. Andreas cit. cap. Sicut nobis et Abbas ibid. hoc tit. n. 11 et Engel. cod. num. 26 non solum non tenetur iudex ad exprimen- dam causam, sed etiam fatuum est eam exprimere ; quia fa- cile posset mala causa exprimi et bona supprimi ; et sic non valeret sententia. > In casu vero cum sententia lata sit post exhibita documenta et testes excussos, nulla profecto aderat necessitas definiendi rationem exprimere, cum ex ipsius sen- tentiae verbis desumi possit. Ceterum haec causa non ex iis apparet in quibus, iuxta De Angelis Praelect. iur. can. tom. uti. p. 2, iudex debeat exponere rationes quibus motus fuit ad sic et non aliter iudicandum.

At nedum formam sed etiam substantiam mediolanensis sententiae iuri cohaerere Sacerdotes Chieppi et Crespi Porro asserunt ; ac idcirco plura afferunt ad naturam scholae fe- stivae evincendam. Quod praecipue patere defendunt ex eo, quod ab initio ad haec usque tempora magistras in instituto Biotti extitisse omnes et vel ipsi adversarii fateantur. Hoc sane palam scribebat sacerdos Biotti ad Alexandrinum Pa- triarcham antequam iurium suorum praeposito cessionem fa- ceret. Quod si his recentiora verba et scripta theologi haud cohaerent, utpote dicta aut exarata tempore suspecto, scili- cet cum iam senex a praeposito circumventus fuit, repu- dianda esse proclamant.

Ipse vero parochus Tettamanti antequam sua iura paro- chialia in institutum Biotti exercere praesumpsisset, videtur illi eam naturam denegasse quam nunc vellet tribuere. Ete- nim cuidam mediolanensi ephemeridi, ut ipse non inficiatur, anno 1873. post eversionem domus ad S. Crucis, scribebat Biotti institutum Oratorii naturam haud praeseferre, sed esse « una scoletta di famiglia etc. » Quibus addi possent ea quae coram ecclesiastica curia retulit sacerdos Eduardus Gallazzi, cui praepositus non semel iniunxisset in processionibus SS. Cor- poris Christi praecedentiam instituto Biotti prae aliis non assignare quia « non era oratorio. »

Verum et plures alii afferuntur testes qui scholae insti-