246. De sancto Iacobo Maiore.

1 a. In senatu tuo, Christe,
Iohannis evangelistae
Frater dulcis emicat;

1b. In electis primitivis
Hic electus tuus civis
Iacobus te praedicat.

2 a. Iste Zebedaeo natus,
A te de navi vocatus,
Te secutus Dominum

2 b. Vere factus supplantator,
Terrenarum conculcator,
Fit piscator hominum.

3 a. Hic te vidit transformari
Bibit et idem praeclari
Tui poclum calicis ;

3 b. Victimatus ense cadens,
Fratrum primus ad te vadens,
Consessor fit iudicis.

4 a. Pie nate Zebedaei,
Iacobe, cognate Dei,
Nobis assis iugiter ;

4 b. Fac nos mundum supplan-
tare,
Iacobe, fac conregnare
Nos Christo perenniter.