250 Acta Apostolicae Sedis - Commentarium Officiale

neque fas est languescere fidem, iacêre virtutem, ubi pro christiano dog-

mate fortissimi prpcubuerunt héroes. Hi ex vobis erant, insectatores

autem, quamvis nequitia vel metu permulti, non ex vobis, sed in vobis

et contra vos erant, immo contra Bavarorum gentem, quae ob illorum

nefaria scelera multum perpessa est ac patietur. Nunc autem decet Nos

honestam mentionem facere de pluribus decies centenis milibus catholi-

corum hominum utriusque sexus, cuiuslibet coetus, qui istic cum male-

fici generis viribus acriter deproeliati sunt, cum suis Episcopis, quo-

rum usque ad extrema confecti belli tempora austera numquam silue-

runt monita, solido nexu coniuncti, sacerdotibus suis adiutricem ope-

ram navantes, constantes et strenui, cum impiis et superbis suam actio-

nem vitae sincera fide fragrantem, integris moribus nitentem, ad catho-

licae religionis praecepta penitus conformatam opponerent. Horum dum

invictam tenacitàtem contuemur et admiramur, temperare Nobis non

possumus, quo minus vobis iterum asseramus haud consentaneum et

congruens rei et veritati esse id universae nationi adscribere quod fa-

cti osi patraverint. Quodsi vero Nobiscum consideremus ruinas et stra-

gem furiali bello illatas tot Bavarorum urbibus, Nobis cognitis et perca-

ris, quae religionis et historiae monumentis atque politissima arte con-

fectis operibus insigniter ducebant, cogimur, suadente amore, cogimur,

grata impellente memoria, superstitibus earum civibus paternae mise-

rationis Nostrae sensus iterare earumque mortuos non sine precum suf-

fragio complorare. Apprime vero moêsto hoc complectimur officio eas

episcopales urbes, ut Monachium, Augustam Vindelicorum, Herbipo

lim, Ratisbonam, tum alias quoque urbes, ut Norimbérgam, Asehaffen-

burg, Ludwigshafen, quas ob proelia Nobis relatum est immania subiisse

detrimenta. Ad malis igitur duplici bello congestis medendum, quorum

haud immerito vos ferret colluvies, cávete, ne fracto ac demisso animo

sitis. Quid? Nonne quae gestu difficilia temporum facit iniquitas, facilia

reddere valet Deus omnipotenti numine suo, si spei plena vigescat fides

ac prompta ad gerendum ferveat, sapientiae comes, caritas? Quare cer-

tatim operam date, ut, diligentia vestra, istic divinarum rerum stu-

dium reviviscat, evangelica iustitia sempiternorum compos promissorum

et ad terrestrem quoque vitam prospere temperandam perutilis apud

omnes in honore sit, catholicae religionis notitia et amor quam maxime

alatur, ad cuius gremium pia contentione et ii revocandi sunt, qui mi-

sere utcumque ab ea desciverunt. Nonne tum potissimum floruit Ger-

manorum laus, adeo ut multas praecellerent gentes, cum apud vestrates

Ecclesia, vestrae culturae humanitatisque parens, venerabilis erat eius-

que sacra iura, fideli obsequio servata, cum civili cultu pulchre firmiter-