Acta Pii PP. XI 251

gia evellere conata est, moniales quoque Ordinis Visitationis Beatae Mariae

Virginis ad sancta et dilecta claustra relinquenda et deferenda coactae

sunt, sed postea, turbine ac tempestate rei publicae illius sedatis, denuo

in patria domos sibi constituerunt in quibus fideliter pieque observari

possent tum primi Anneciensis monasterii Consuetudines, quibus, uti

caritatis unionisque ligamine, ad invicem inter se domus alligantur, tum

Constitutiones Regulaeque, quas Sanctus Doctor ad Institutum ab ipso

conditum gubernandum accommodaverat, et iam rec. mem. Decessor

Noster Urbanus Pp . V I I I sanctione Apostolica munierat. Eaedem qui-

dem Constitutiones ita in omnibus moderationem ac suavitatem spirant,

ut moniales omnia sibi imperata facile explere queant, pietatem, sancti-

tatem ceterasque virtutes adipisci possint, quae sunt propriae animarum

earum, quae, a mundo segregatae, peculiari modo se Deo voverunt, et

Christo sponso dicarunt. Et revera ob easdem regulas Ordo a Visitatione

haud parvo numero piarum sanctarumque sodalium in Ecclesia fulsit,

quas inter Sancta Francisca de Chantal et Sancta Margarita Maria; ac pro-

pterea nil mirum si has mirabiles Constitutiones, tamquam pretiosa here-

ditate a Sancto Fundatore relictas, integras inviolatasque ad haec nostra

tempora adservarint sorores, quibus iugiter fuit maxima cura ne quid

novi in easdem irreperet, quo piae Ordinis Consuetudines et domorum

observantia labefactari possent. Sed post Codicis iuris canonici promul-

gationem, ad spirituale Sororum a Visitatione bonum magis prospiciendum,

peropportunum visum est Constitutiones praefatas ad Codicis praescripta

conformare, eisdem etiam additis aliquibus,immutationibus, quae recen-

tiorum temporum necessitatibus accommodatae viderentur. Sacrae vero

Congregationis pro Religiosorum Sodalium negotiis S. R. E. Cardinalis

Praefectus Nobis sic emendatas Constitutiones proposuit denuo adpro-

bandas; Nosque, animo repetentes Religiosarum familiam a Visitatione

optimum locum merito obtinere inter Ordines Institutaque, quibus Ec-

clesia in terris redimatur, loculentum Nostrae benevolentiae pignus eius-

dem Ordinis sororibus exhibere censuimus, quod ipsas voti compotes

reddat. Itaque motu proprio atque ex certa scientia et matura delibera-

tione Nostris, deque apostolicae Nostrae potestatis plenitudine, praesen-

tium Litterarum tenore perpetuumque in modum Ordinis Monialium Visi-

tationis Beatae Mariae Virginis Immaculatae Constitutiones, quarum exem-

plar tum in Sacrae praefatae Congregationis tum in Brevium tabulario

servabitur, plenissime adprobamus, eisdemque Apostolicae sanctionis robur

adiicimus.

Haec, quae in tam frugiferae familiae religiosae bonum atque emolu-

mentum maxime cessura rati decrevimus, statuimus, mandamus, decer-