Acta Pii PP. XI 251

§ 2.-Praeter Professores ordinarios sint quoque extraordi-

narii, seu qui, etsi debitis dotibus ornati, nondum omni ac pleno

iure gaudent.

§ 3. - Pro opportunitate etiam alii assumi possunt Professo-

res, qui ad certum tempus munere fungantur tradendi aliquam

disciplinam.

Art. 20

Statuta Universitatis vel Facultatis decernant :

a) quot, saltem, pro numero et momento disciplinarum

debeant esse Professores et quot ex iis ordinarii;

b) quot sint Professorum ordines et quae cuiusque ordinis

officia et iura, ratione habita iustarum consuetudinum et tradi-

tionum;

c) a quibus, quomodo, quibus condicionibus Professores

cuiusque ordinis nominentur ac promoveantur.

Art. 21

Ut quis in Professorum Collegium legitime cooptetur, requi-

ritur ut:

Io doctrinae copia et bonis moribus et prudentia praefulgeat;

2° Laurea congruenti praeditus sit;

3° certis documentis, praesertim libris vel dissertationibus

scriptis, se ad docendum idoneum probaverit;

4° professionem Fidei emiserit secundum formulam a Sancta

Sede approbatam, ad normam can. 1406 § 1, 8° C. I. C. et Decreti

Supremae Sacrae Congregationis S. Officii d. d. 22 Martii 1918;

5° missionem canonicam docendi, post impetratum Nihil

obstat Sanctae Sedis, a Magno Cancellario acceperit.

Art. 22

Si quis Professor vel doctrinam catholicam laeserit vel a

vitae integritate defecerit, pro gravitate culpae ad normam Sta-

tutorum puniatur et, si res ferat, missione canonica docendi a

Magno Cancellario privetur.