VELITERNA 251

RESOLUTIO. Sacra C. Concilii, re disceptata sub die 2 2

Iunii 1 8 9 5 , censuit respondere: Servetur arbitrium diei27 Octobris 1752 ( 1 ) .

EX S. CONGREGATIONE RITUUM

ROMANA Beatificationis et Canonizationis servae Dei Mariae Aloisiae Maurizi,

Monialis choristae professae et Vicariae ven. Monasterii Mantellatarum

in ianiculo colle de Urbe Ordinis servorum B. M. Virginis.

Ex honestis parentibus Ambrosio Maurizi et Anna Albertini

die 27 Septembris anno 1770 Romae in lucem edita est proles,

cui lustralibus aquis ablutae, nomen inditum Hyacinthae. Ab

ipsa pia genitrice optimis sanctisque moribus instituta, egregiae

indolis christianaeque pietatis germina peculiari quadam indu-

stria Hyacintha adeo excoluit, ut annis et virtute succrescens

in electam Domini sortem se quotidie magis vocatam sentiret.

Adolescentula dum, angustiis pressa, anceps haerebat de

vitae status electione, in monasterium ab Infante Iesu nuncu-

patum se contulit, ibique spiritualibus vacans exercitiis a Ven.

Vincentio Strambi e Clericis excalceatis Passionis, viro pruden-

tia ac sanctitate eximio, in sanctis propositis et in religiosa vo-

catione confirmata fuit. Deinde in Monasterium Mantellatarum

ex Ordine Servorum B. M. V. Romae ab illustri familia Masturzi

tunc erectum, permagno sui cordis gaudio omnibusque rite ser-

vatis, recepta est Hyacintha, quae paulo post, unanimi sororum

suffragio, in praesidem electa, agrum illum incultura, quum

christianis virtutibus atque regulari observantia tum optima

puellarum etiam externarum institutione, in viridarium brevi

commutavit.

Sed gallicae seditionis turbines, per Europam longe lateque

diffusi, Almae Urbi haud pepercerunt, et, sacris virginibus e

claustro eiectis ac dispersis, uni ex Monialibus Mantellatarum

fundatoris monasterii Aliae, quae Hyacintham sibi sociavit, ibi-

(1) Recole Vol V, 698 et Vol. VII, 393. In duabus quaestionibus ibi relatis iudicium latum fuit favore parochi, in cuius paroecia extat porta princeps domus, de qua disputabant duo parochi.