Sermo II .

I n Ascensione Domini sermo fratris Bonaventurae coram Universitate Parisius, in domo Fratrum.

Semo ascendit in caelum, nisi qui descendit de caelo, Filius hominis, qui est in caelo, Ioannis tertio .

In his verbis tria eleganter notantur quantum ad solemnitatem hodiernam, scilicet ascendentis praeclarissimum meritum, cum dicitur: Qui de caelo descendit: ascensionis inclytissimae terminus, cum additur: ascendit in caelum; ascensionis desideratissimus fructus, cum subditur: Filius hominis, qui est in caelo, tanquam primogenitus in multis fratribus , pandens iter ante omnes electos.

I. Dicit: Qui descendit, in incarnatione per humilitatem obedientiae ; leannis sexto : Descendi de caelo, non ut faciam voluntatem meam, sed voluntatem eius qui misit me. - Per pietatem misericordiae: Isaiae sexagesimo quarto: Descendisti, et a facie tua montes defluxerunt.

Per sinceritatem benevolentiae: Psalmus: Domine, inclina caelos tuos et descende, tange montes, et fumigabunt .

II. Ipse est et qui ascendit super omnes caelos , id est super quindecim orbus mundi corporei et quantum ad animam super quindecim vitas incorporeas , et hoc totum non sine causa, exigentibus hoc transcendentibus virtutibus et multiformibus meritis et dignitatibus eius. Nisi enim tantum descendisset et se exinanivisset, non tantum diceretur ascendisse.

Ascendit enim quantum ad corpus super orbem terreum propter suam ornatam pulcritudinem, praevalenlem terrae et proprietati eius: primi Regum decimo quarto : Ascendit Ionathas, manibus et pedibus reptans. - Orbem aqueum propter suam strenuam agilitatem, praevalentem aquae et proprietati eius ; tertii Regum decimo octavo: Nubecula parva quasi vestigium luminis ascendebat de mari.

Orbem aereum propter suam temperatam sanitatem, praevalentem aeri et proprietati eius: Iudicum decimo tertio: Cumque ascenderet flamma altaris m caelum, Angelus Domini pariter in flamma ascendit. - Orbem igneum propter suam ingentem fortitudinem, praevalentem igni et virtuti eius: quarti Regum secundo : Ecce, currus igneus et equi ignei diviserunt utrumque, et ascendit Elias per turbinem in caelum.

Orbem lunarem propter suam copiosam fecunditatem, transcendentem orbem lunae et virtutem eius; Psalmus: Qui ascendit super occasum, Dominus nomen illi.

Orbem mercurialem propter suam subtilem sagacitatem, transcendentem stellam Mercurii et virtutem eius: Psalmus: Psallite Deo, qui ascendit super caelum caeli ad orientem.

Orbem venerialem propter suam iucunditatem placidam, transcendentem stellam Veneris et virtutem eius: Psalmus : Ascendit Deus in iubilo.

Orbem solarem propter suam universalem vivificationem, transcendentem vim solis et virtutem eius: ad Ephesios quarto: Ascendens in altum, captivam duxit captivitatem. - Orbem martialem propter suam validam edomationem, transcendentem vim Martis et proprietatem eius: ad Ephesios quarto: Qui descendit ipse est et qui ascendit.

Orbem iovialem propter suam opulentam felicitatem, transcendentem vim Iovis et proprietatem eius: Michaeae secundo : Ascendet, pandens iter ante eos.

Orbem saturnalem propter suam venerandam dignitatem, transcendentem virtutem Saturni et proprietatem eius: Ioannis vigesimo: Ascendo ad Patrem meum et Patrem vestrum, Deum meum et Deum vestrum.

Orbem siderealem propter suam speciosam multiformitatem, transcendentem firmamentum et proprietatem eius; Canticorum tertio: Ascensum purpureum media caritate constravit propter filias Ierusalem.

Orbem unigeneum propter suam aequalem simplicitatem, transcendentem unigeneum et proprietatem eius: Psalmus : Quis ascendet in montem Dominii Innocens manibus et mundo corde etc.

Orbem crystallinum propter suam concordem conciliationem, transcendentem crystallinum et proprietatem eius: Ecclesiastici quadragesimo sexto: Dedit Dominus ipsi Caleb fortitudinem, et usque in senectutem permansit illi virtus, ut ascenderet in excelsum terrae locum.

Orbem empyreum propter suam sublimatam consummationem, praesidentem paradiso caelorum et civibus eius: Amos nono: Qui aedificat in caelo ascensionem suam et fasciculum suum super terram fundavit. Ascendit vero quantum ad animam super vitam vegetabilium propter decorem sive nitorem suae amabilis pudicitiae; Psalmus : Confessionem et decorem induisti etc. Ponis nubem ascensum tuum.

Super vitam medialium (?) propter vivacitatem suae sollertis industriae; Canticorum sexto, secundum aliam litteram: Quas est ista quae ascendit quasi aurora consurgens etc.

Super vitam sensibilium propter benignitatem suae suavis innocentiae; Ecclesiastici quinquagesimo : In ascensu altaria sancti gloriam dedit sanctitatis amictum.

Super vitam rationalium propter stabilitatem suae perseverantis constantiae: quarti Regum decimo nono: Ascendi excelsa montium in summitate Libani.

Super vitam Angelorum propter administratoriam snpernae dispensationis annuntiationem ; Exodi vigesimo quarto: Ingressusque Moyses medium nebulae, ascendit in montem et fuit ibi quadraginta diebus.

Super vitam Archangelorum propter praecellentem supernas provisionis revelationem: Genesis trigesimo secundo : Dixit Angelus ad Iacob: Dimitte me: iam enim ascendit aurora etc.

Super vitam Principatuum propter triumphalem superni ducatus gubernationem: Ieremiae vigesimo secundo: Ascende Libanum et clama ad transeuntes.

Super vitam Potestatum propter ordinativam verae dispensationis auctoritatem; Genesis secundo: Fons ascendebat e terra, irrigant universam superficiem terrae.

Super vitam Virtutum propter inconcussam beati vigoris permanentiam et miraculorum efficaciam: Baruch tertio : Quis ascendit in caelum et accepit eam et duxit eam de nubibus?

Super vitam Dominationum propter praeeminentem potestativae maiestatis imperationem; Ioannis sexto: Si ergo videritis Filium hominis ascendentem, ubi erat prius?

Super vitam Thronorum propter perseverantem divinarum immensitatum susceptionem: Canticorum octavo: Quae est ista quae ascendit de deserto, deliciis affluens ?

Super vitam Cherubim propter supereminentem divinorum spectaculorum contemplationem ; Psalmus : Ascendit super Cherubim et volavit etc.

Super vitam Seraphim propter semper intendentem divinarum plenitudinum dulcedinem; Canticorum tertio: Quae est ista quae ascendit per desertum sicut virgula fami ex aromatibus myrrhae et thuris et universi pulveris pigmentarii . - Super vitam pacificas virginitatis Matris Mariae propter conciliativae mediationis praepollentem interventionem; Exodi trigesimo secundo : Ascendam ad Dominum, si quo modo quivero eum deprecari pro scelere vestro. - Ad vitam deificae humanitatis sive beatificatae rationalitatis in consummatae salutis glorificatione: Marci ultimo: Assumtus est in caelum et sedet a dextris Dei.

Super omnes istos quindecim orbes corporeos et quindecim vitas incorporeas Dominus saeculorum hodie ascendens et residens omnem creatam universitatem, disponit per haec ad ordinatissimam regni sui completionem, ut per ipsos quindecim orbes ascendamus corporaliter cum corpore Salvatoris et per quindecim vitas ascendamus spiritualiter cum spiritu Salvatoris. Hi enim sunt quindecim mystici gradus, quibus ascenditur in templum aeternum. Invisibilia enim ipsius a creatura mundi per ea quae facta sunt, intellecta conspiciuntur, sempiterna quoque eius virtus et Divinitas, ita ut sint inexcusabiles, ait Apostolus .