252 EX S. C. RITUUM

dem permanere concessum fuit et transitum turbinis ac tempe-

statis expectare. Rebus publicis tandem compositis ac pace Christi Ecclesiae

restituta, quum Pius VII ad Petri Cathedram evectus fuerit, ca- nonicam instituti Mantellatarum fundationem benigne indulsit : quin imo ad sacrum templum pergens, solemni ritu, duodecim puellas religioso habitu Ipse induit, quas inter recensetur Fa- mula Dei, quae tunc Hiacynthae nomine relicto, alterum Mariae Aloisiae sumpsit, atque anno tirocinii naviter egregieque expleto, ad pedes eiusdem Summi Pontificis summa gestiens laetitia, solemnia vota nuncupavit. In eius laudem vertitur quod diversa, ac speciatim Vicariae, officia recte sancteque sustinens, suo re- gimine atque exemplo regularem disciplinam ac perfectionem ibidem provexerit et coelestibus divinisque rebus semper intenta^ prouti a suo confessario et pietatis magistro Ven. Vincentio Pallotti edocebatur, se suasque consorores assidue ad Deum elevare sategerit. Illucescente mense Maio Beatissimae Mariae Virgini sacro, anno reparatae salutis 1831, brevi ac lethali morbo correpta, Eucharistiae pabulo pluries refecta, anno aetatis suae sexagesimo vix absoluto, die nona eiusdem mensis, prout ipsa praedixerat, cumulata meritis ceu in ecstasim amoris rapta ad coelum evolavit.

Pretiosum eius obitum, qui a piis fidelibus ad sepulcrum confidentibus statim celebratus est, fama quoque sanctitatis vi- tae, virtutum et prodigiorum subsequuta est, quae in dies adeo inclaruit una cum devotione fidelium, Dei Famulae patrocinium invocantium, et imagines ac reliquias exquirentium, ut ad Ordi- nariam super eadem fama, in Curia Ecclesiastica Romana, in- quisitionem deventum sit. Hac, abhinc quinquaginta annis, rite confecta et ad S. Rituum Congregationem delata, quum in fide- lium mente atque ore memoria et laus eximiae sanctitatis Ma- riae Aloisiae adhuc perduret ac vigeat, Sanctissimus Dominus Noster Leo Papa XIII benigne indulsit, ut dubium de signatura Commissionis introductionis Causae eiusdem Dei Famulae in Ordinario, ut modo obtinet, Sacrae ipsius Congregationis Coetu agi posset. Quocirca, instante Rmo P. Augustino Morini Postu- latore, Generali Ordinis Servorum B. M. V., attentisque postula- toriis litteris plurimorum Emorum ac Rmorum S. R. E. Cardi- nalium et Sacrorum Antistitum, quibus plures ex utroque clero spectabiles viri et non paucae moniales ad diversos regulares