DECIMARUM. 283

calamitates, additis implicationibus et conviciis, ab ipso fuisse in domibus inventum: locationis contractum pro decimis exigendis publice affixis Edictis a parocho propositum esse, et unam ac unicam quadraginta seutatorum, quae tenuissima erat, oblatio- nem fuisse acceptam. Ad ius quod attinet, Parochi Defensor propugnabat, contra decimarum debitores censuris ecclesiasticis procedendum esse, quas solus Episcopus infligere potest Cap. 5 Pervenit et Cap. 21. Ex parte De Decimis. Quin imo in Ciernen. 2 Dispendiosam de iudic, legitur, ut a super decimis procedi valent simpliciter, et de plano et sine strepitu iudicii et forma: » quod et sapientissime sancitum aiebat ; aliter enim contra populum universum in iudicio agere oporteret.

Super haec item contendebat, in iure constitutum esse, ut Episcopus ius habeat repetendi quartam decimalem a Parochis, si decimas a populo collegerint: si autem secus se res habeat, ius Episcopo non deesse quo contra singulos declmatores seu de- cimarum debitores agere queat. Et quamvis directam actionem, rigorose sumptam, non habeat ad eam rem Episcopus, nihilo- minus eidem in promptu esse nobile iudicis officium, cuius vi similiter, immo uberius etiam id quod petit, consequi potest, veluti comprobare satagebat exemplo causae Novariensis, de qua agit Decis. 122. Decis. 321, et Decis. 357 Par. V. Tom. 1. Recent. Ex hac doctrina idem Defensor inferebat, cum nulla obligatio ( quilibet enim potest iuri suo renunciare ) Parochis inhaereat exigendi decimas, praesertim pro decimae quarta Epi- scopo debita, naturalem ipsam rationem et aequitatem postulare, ut interpretatio illorum verbusculorum post omnem adhibitam diligentiam non ita rigide facienda sit; ita ut satis sit, si mo- raliter omnes diligentiae, quae a bono patre familias adhiberi solent positae sedulo fuerint et absolutae, quin devenire opus sit ad iudiciale excusáionis experimentum.

QUAE AB EPISCOPO IN SUI IURIS PRAESIDIUM REPONEBANTUR. - Episco-

pus , qui primum ab opera Causidici adsciscenda abstinuerat, dein suum et ipse Defensorem in Urbe elegit, qui praeter de- ductiones a se ipso conscriptas, memoriam elucubraret, quae ex adverso deducta erant favore Parochi debitoris quinque ru- blorum reiiciebantur vel tamquam exaggerata vel nulla con- sideratione digna. Quamvis enim in oppido , de quo agebatur