254 EX ACTIS

V.

DE IUDICIBUS EXCUSATIONIS ET QUERELARUM.

« Quo graviorum rerum pertractatio, quae in hac sacro- sancta Synodo agi gerive debent, minus quam fieri possit, im- pediatur aut retardetur ob cognitionem causarum, quae singulos respiciunt; statuimus ut ipsa Synodus per schedulas secretas quinque ex Concilii Patribus eligat in Iudices excusationum, quo- rum erit procurationes et excusationes Praelatorum absentium, nec non eorum postulata, qui, Concilio nondum dimisso, iustam discedendi causam se habere putaverint, excipere, atque ad nor- mam Conciliaris disciplinae et SS. Canonum expendere: quod cum fecerint, non quidquam de hisce rebus decernent, sed de omnibus ad Congregationem generalem, ordine referent. Prae- terea statuimus, ut eadem Synodus pariter per schedulas secre- tas, alios quinque ex Patribus eligat, in Iudices querelarum et controversiarum.

« Hi porro controversias omnes circa ordinem sedendi, vel ius praecedendi, aliasque, si quae forte inter congregatos oriantur, iudicio summario atque oeconomice, ut aiunt, ita componere stu- debunt, ut nulli praeiudicium inferatur: et quatenus componere nequeant, eas Congregationis generalis auctoritati subiicient.

VI.

DE OFFICIALIBUS CONCILII.

« Quod vero et illud magni refert, ut necessarii ac idonei ministri et officiales, iuxta conciliarem consuetudinem et discipli- nam, omnibus in hac Synodo actibus rite et.legitime perficiendis designentur, Nos huiusmodi ministeriorum rationem habentes, infrascriptos viros ed ea deligi mus et nominamus, scilicet:

I o . Generales Concilii custodes, dilectos filios Ioannem Co- lumna et Dominicum Orsini Romanos Principes Pontificio Nostro solio Adsistentes.

2°. Concilii Secretariun, Venerabilem Fratrem Iosephum Episcopum S. Hippolyti, eique adiicimus cum officio et titulo Subsecretarii, dilectum filium Ludovicum Iacobini e Nostris et