251. De sancto Iohanne Baptista.

1. Christi baptista,
pro nobis Dominum
nunc exora.

2 a. Nunc tua sollemnia
mundo praefulgent
satis iucunda;

2 b. Natus es, ut divina
orbi clamares
voce praecona.

3 a. Christi praesentis vestigia
monstrasti nobis sancta,
ut imitemur ea,

3 b. Dicens: Ecce, hic agnus Dei,
qui de mundo peccata
expellit pro gratia;

4 a. Cuius non sum
dignus calceamenta

4 b. Portare, quia

sponsus est per omnia.

5 a. Sponsi autem

amicus stat et audit
sponsi gaudia

5 b. Gaudens ipse

de voce sponsi casta,
dignus cum sponsa

6 a. Conviva

esse ad secreta
sponsi fercula
valde miranda.

6 b. Iohannes,

ergo sponsum nobis
[nunc] concilia
Dei gratia

7 a. Poscens nobis dulcia
Christi prandia
cunctis gratis praestita,

7 b. Et contempta mundana
esca fatua
sponsi dentur fercula.

8. His refecti Deo laeti

canamus post ista tempora.