ROMANA 255

tium admittere ad compositionem, quae considerato eorum- dem fundorum, seu iurium valore reali, praetio emptionis, actuali oratorum statu et eo, in quo ipsi oratores cum damno ecclesiae ditiores facti sint, ratione praecipue habita onerum piorum, si qua adsint, aliisque omnibus perpensis adiunctis, aequa videantur. »

Emi atque Revmi Ordinarii romanae Regionis, quum convenerint pro annuis de more consiliis, ad examen revo- catis dictis facultatibus, constituerunt exposcere a S. C; C. solutionem dubii sequentis.

Ad compositionem exposcentes qui bona mensae episco- palis emerint, Ordinarius dictis facultatibus praeditus exci- pere valeat eandem compositionem, inconsulto capitulo Ca- thedralis, vel obtinere debeat consensum, aut saltem eius exquirere consilium.

Disceptatio Synoptica.

Ex officio animadversum fuit, praeter casus de quibus expresse ius cavet, Episcopos debere de consensu capituli agere « in omnibus negotiis, in quibus ecclesiae et successo- ribus notabile praeiudicium generari potest. » Schmalzgrue- ber p. 1 tit. 10 n. 8. In huiusmodi vero compositionibus posse aliquando et damnum ecclesiae et successoribus inferri nemo est qui ambigat. Attamen Reiffenstuel h. Ut, § i n. 12 in hoc aliquatenus differt, scribens: < generatim re- quiritur consensus capituli in omnibus illis casibus seu ne- gotiis in quibus vertitur ecclesiae aut ipsius capituli inte- resse sive praeiudicium, > quae verba interpretationem liber- tati Episcoporum favorabilem admittere possent.

Praeterea exploratum in iure est, capituli consensum in- ter solemnitates adnumerari debere, quae ad alienationem sunt necessariae. Cum autem in themate ecclesia venditio- nes, a gubernio per iniuriam factas, ratas habeat et aliqua summa accepta quodammodo confirmet, iam videri posset de vera alienatione agi, quae inaudito capitulo fieri nequeat.