255

CANARIEN. Indulgetur facultas appellandi per Telefono, confessarium qui longe distat

a monasterio Religiosarum.

Beatissime Pater,

Episcopus Canariensis ad Sanctitatis Vestrae pedes provo- lutus, reverenter exponit: quod quum confessarius monialium Cisterciensium strictioris observantiae longe a monasterio dicta- rum monialium commoretur, contingere potest, ut haud diu ac- cidit, quamdam monialium sine religionis adiutorio e vita cedere. Quam ob rem, ne ob distantiam similia renoventur, Orator ro- gatus est indulgendi ut a monasterio ad domum confessarii uti possit novo invento, quod vulgo Telefono appellatur. Nihilominus pro rei novitate, ex qua certe, licet maxima adhibeatur diligen- tia, pericula oriri possent, censuit Sacrae Congregationis senten- tiam expetere, antequam hoc concedat. Quare etc.

Vigore specialium facultatum a Sanctissimo Domino nostro concessarum, Sacra Congregatio Eminentissimorum et Reveren- dissimorum S. R. C. Cardinalium negotiis et consultationibus Episcoporum et Regularium praeposita, Episcopo oratori facul- tatem benigne tribuit super praemissis, attenta necessitate ad effectum Vicarium dumtaxat advertendi, iuxta preces provi- dendi, praescriptis debitis cautelis ne aliquod inconveniens oria- tur; ac praecipue ut in actu advocandi per enunciatum medium Vicarium, duae adsint ex probis et senioribus Monialibus, quae verba audiant: super quibus Episcopi conscientia onerata re- maneat: contrariis quibuscumque non obstantibus.

Romae, 20 Martii 1895.

I. CARD. VERGA, Praef

EX S. CONGR. EPISC. ET REGUL.