246. (136.) Planctus virginum Israel de filia
Iephtae Galaaditae.

3 a. Incultae
Sint maestae
Facies

3 b. Plangentum
Et flentum
Similes !

4 a. Auratae
Sint longe
Cyclades,

4 b. Et cultus
Sint procul
Divites !

5 a. Galaditae
Virgo Iephtae

Filia,
Miseranda
Patris facta

Victima.

Annuos

virginum elegos
Et pii

carminis modulos,
Virtuti

virginis debitos,
Per annos

exigit singulos.

5 b. O stupendam,

Plus quam fiendam

Virginem !
O quam rarum
Illi virum
Similem I

Ne votum

sit patris irritum

Promisso-
que fraudet Dominum,

Qui per hunc
salvavit populum,

In suum

hunc urget iugulum.

6 a. Victor hic de proelio
Dum redit cum populo,
Prior haec cum gaudio
Occurrit cum tympano.

Quam videns
Et gemens

Pater anxius
Dat plausum
In planctum

Voti conscius,
Triumphum
In luctum

Vertit populus.

Decepisti, filia,
Me, dux ait, unica,

Et decepta gravius
Nostra lues gaudia,

Quamque dedit Dominus,
Perdet te victoria

Illa refert: utinam
Meam innocentiam
Tantae rei victimam
Aptet sibi placitam !

... ... ...

... ... ...

... ... ...

... ... ...

Immolare filium
Volens Abraham

Non hanc apud Dominum
Habet gratiam,

Ut ab ipso puerum
Vellet hostiam.

Puerum qui respuit,
Si puellam suscipit,

Quod decus
Sit sexus

Mei percipe
Uteri-
que tui

Fructus, inspice,
Quid mihi,
Quid tibi

Sit hoc gloriae.

6 b. Ut sexu sic animo
Vir esto, nunc obsecro,

... ... ...

... ... ...

Nec meae
Nec tuae

Obstes gloriae,
Si tuae
Praeferre

Me vis animae
Exemplo-
que pravo

Cunctos laedere.

Si natae dilectio
Praeferat hanc Domino,

Unaque tu Dominum
Offendes cum populo

Amittes et populum
Displicendo Domino.

Non est hic crudelitas,
Sed pro Deo pietas,
Qui, ni vellet hostiam,
Non daret victoriam.

Solvens ergo debitum
Placa, pater, Dominum,
Ne forte, cum placitum
Erit, non sit licitum.

Quod ferre non trepidat

Virgo tenera,
Inferre sustineat

Viri dextera,
Sponsio quem obligat

Voti propria.

Sed duorum mensium
Indulgebis spatium,

Quo valles
Et colles

Cum sodalibus
Peragrans
Et plorans

Vacem planctibus,
Quod sic me
Semine

Privet Dominus,

7. Sitque legis sanctio
Mea maledictio,

Nisi sit remedio,

Mundae carnis hostia,
Quam nulla pollutio

Nulla novit macula.

8 a. His gestis rediit

ad patrem unica,

8 b. Secreti thalami

subintrans abdita

8 c. Lugubris habitus
deponit tegmina.

9 a. Quae statim ingressa

balneum
Circumstante choro

virginum
Fessam se refovet

paululum,

9 b. Et corpus pulvere

squalidum
Laboreque viae

languidum
Mundat ac recreat

lavacrum.

10 a. Varias unguenti

species
Auratae continent

pyxides,
Quas flentes adferunt

virgines.

10 b. His illam condiunt

aliae,
Capillos componunt

reliquae
Vel vestes praeparant

dominae.

11 a. Egressa post paululum
Virgo lota balneum
Mittit patri nuntium,
Ut aram exstruat,
ignem acceleret,
Dum ipsa victimam

interim praeparet,
Quae Deo convenit,
principem condecet.

11b. O quantis ab omnibus
Istud eiulantibus
Nuntium excipitur !
Urget dux populum,
ut haec accelerent,
Et illa virgines,

ut cultum properent
Et tamquam nuptiis
morti se praeparent.

12 a. Illa byssum propriis
Madefactam lacrimis,

12 b. Porrigit haec humidam
Fletu suo purpuram.

13 a. Auro gemmis
Margaritis

Variatum est monile,
Quod sic pectus
Ornat eius,

Ut ornetur magis inde.

Inaures et annulum
Cum armillis aureum
Virginis tenerrimum
Onerant corpusculum.

13 b. Rerum pondus
Et ornatus

Moram virgoiamnon ferens
Lecto surgit
Et repellit,

Quae restabant, ita dicens:

Quae nupturae satis sunt,
Periturae nimis sunt;
Mox, quem patri detulit,
Ensem nudum arripit.

14 a. Quid plura,
Quid ultra

Dicimus,
Quid fletus,
Quid planctus

Ginnimus ?

Ad finem,
Quod tamen

Coepimus,
Plangentes
Et flentes

Ducimus.

14 b. Collectis
Circa se

Vestibus
In arae
Succensae

Gradibus

Traditus
Ab ipsa

Gladius
Peremit
Hanc flexis

Genibus.

15 a. O mentem
Amentem

Iudicis,
O zelum
Insanum

Principis I

O patrem,
Sed hostem

Generis,
Unicae
Quod nece

Diluit !

15 b. Hebreae
Dicite

Virgines,
Insignis
Virginis

Memores,

Inclitae
Puellae

Israel,
Hac valde
Virgine

Nobiles.