256 Acta Apostolicae Sedis - Commentarium Officiale

solacium praemiumque vestrorum laborum optatissimum. Esto clerum

apud vos iampridem sacris initiatum, ob animarum studium ceteraque

ingenii ornamenta, merito commendari Nostraque laude dignum esse:

attamen cum sollicitudines illae, quas Nos habuimus hisce annis in reli-

giosis Lithuaniae rebus fovendis, eo spectarent ut istic christiana pietas

magis magisque floreret, clare liquet quantopere novas ascensiones in corde

suo disponere, procedendo de virtute in virtutem, non modo populus

sed etiam, praecipueque, clerus teneatur. Quamobrem sacerdotes omnes

vestigia prementes Pastorum Principis, Iesu Domini, factique forma gre-

gis ex animo, contendant oportet ut fideles non modo vitam habeant, sed

abundantius habeant. Quapropter vos hortamur ut diligenter admodum

ecclesiasticam disciplinam in clero confirmare studeatis: primum quidem

eorum animos erigendo qui pietate, pastoralium perfunctione munerum

sacrorumque canonum observantia excellant, dein vero defectus et abusus,

sicubi sint, emendando, prohibendo quominus clerici vel iis rebus dent

operam quae ipsos dedeceant, vel profana loca frequentent, vel sacerdo-

talem vestem gestare omittant; hanc enim ii tantum erubescunt qui saecu-

larium hominum more vivere volunt. Denique de Actione catholica, quam

vocant, vos, venerabiles fratres, alioqui cupimus; de qua nostis peculia-

rem quandam mentionem in pacta illa conventa inductam esse, quae

supra memoravimus. Yalde equidem eam probamus, dummodo ubivis

iis regatur legibus quas cum in primis Nostris Encyclicis Litteris, tum plu-

ries postea, occasione data, descripsimus. Quandoquidem enim per ipsam

a lectis de populo viris actuosa opera sacris Pastoribus navatur, non po-

test res catholica non provehi, cum virtus in singulis et in convictu dome-

stico sanctitudo foveatur; itemque Societati civili prosperitas veri nomi-

nis afferetur, quae caritatis operibus et avitae fidei tuitione continetur.

Permagni sane ad communem salutem interest, quemadmodum patet,

ut actio huiusmodi - quae quidem ab omnibus ex eadem natione catho-

licis, cum omnibus prosit, promoveri debet - ne, politicis rebus implicata,

intra augustos alicuius factionis fines coerceatur. Etenim seponantur

oportet factionum commoda cum de religionis rebus agatur, per quas

maximae et verae civitati ipsi utilitates afferuntur. Cumque actio catholica

nihil sit aliud nisi actio religiosa, non eadem studiis partium, sed plena

catholicorum concordia niti ac consistere debet eo conspirantium ut com-

munis christianae vitae sensus atque usus privatim publice retineantur.

Meminerint ergo catholici - quatenus Actionem catholicam moderantur vel

participant - quae hac in re decessor Noster Leo X I I I f . r . (in Epist. Enc.

Cum multa), opportune sapienterque edixit : « fugienda illorum opinio

praepostera, qui religionem cum aliqua parte civili permiscent, usque