256

Indultum quo conceditur dispensatio a nova benedictione pro Scapularibus SSmae

Trinitatis, quando a fidelibus aliud assumitur post primum attritum vel con*

sumptum.

Beatissime Pater

Fr. Stephanus a S. Corde Mariae Ordinis SSmae Trinitatis Congregationis Hispanicae Commissarius Apostolicus, ad pedes S. V. humiliter provolutus exponit adscriptos sodalitati SSmae Trinitatis parvum habitum seu Scapulare ex lana alba confe- ctum cruce rubra et caerulea decoratum ab aliquo Ordinis su- periore benedictum sumere et super se gestare: verum quum scapulare huiusmodi attritum vel consumptum fuerit et aliud assumatur de novo benedici debet, prouti expresse edicitur in Summario Indulgentiarum concessarum sodalibus SSmae Trini- tatis sub poena amissionis Indulgentiarum.

Id tamen causa est, ut plures Christi fideles praedictae so- dalitati adscripti saepe saepius priventur Indulgentiis eidem concessis. Nam non semper praesto sunt cuique fideli indigenti novo Scapulari superiores Ordinis SSmae Trinitatis aut alii Sa- cerdotes etiam saeculares de earumdem superiorum licentia, qui illud benedicere queant. Quare, ut bono spirituali adscripto- rum provideatur Orator supplex adit S. V. quatenus huic legi iterum benedicendi novum Scapulare post primum a Sodalibus assumptum, benigne derogare dignetur, ita ut in posterum qui- cumque eorum primum Scapulare susceperit benedictum, si hoc ita attritum vel consumptum fuerit, ut primam formam amiserit, aliud ipsis assumere detur, etiam non benedictum absque amissione Indulgentiarum; et ita etiam uniformitas ha- bebitur quoad hoc Scapulare, cum omnia aliarum diversarum Confraternitatum Scapularia non benedicantur nisi prima vice tantum, idest quando primitus imponuntur, facta cuilibet ad- scriptorum potestate aliud postea assumendi absque nova be- nedictione.

Et Deus etc. S. C. Indulgentiis sacrisque Reliquiis praeposita, utendo fa-

cultatibus, a SS. D. N. Leone PP. XIII sibi specialiter tributis, attentis expositis, et praesertim, ut etiam quoad Scapulare San- ctissimae Trinitatis inducatur uniformitas pro aliis, et in primis pro Carmelitico, existens, quae nonnisi prima vice benedicuntur, idest quando primitus Christifidelibus imponuntur, benigne an- nuit pro gratia iuxta preces. Contrariis quibuscumque non ob- stantibus.

Datum Romae ex Secretaria eiusdem S. Congregationis die 24 Augusti 1895.

EX S. CONGR. INDULGENTIARUM