S. Congregatio Rituum 2 5 7

sui muneris exercitia diligenter implevit, donec quatuor post annos cum

aliis sororibus Betblem petiit ut novum Carmelum excitaret, ubi usque ad

obitum permansit, praeclarae virtutis et operosae industriae exemplar.

Die 22 Augusti anno 1878 dum vas aquae plenum gestabat in clivoso calle,

viribus deficientibus, corruit et brachii fracturam subiit. Sic cruciata in

lectulo iacens, multos dolores patienter tulit, donec ingravescente morbo,

ecclesiae Sacramentis piissime susceptis, ipso Patriarcha Hierosolymitano

sacram unctionem ministrante, die 26 Augusti eiusdem anni, in aetate

triginta trium annorum, uti praenunciaverat, virtutibus et meritis dives

obdormivit in Domino. Eius vita Parisiis typis edita an. 1922 conscripta

fuit a Dionisio Buzy, Carmeli de Bethlem capellano. Hic pauper et humilis

nos, in Terra Sancta, regione et patria Sanctae Familiae et veteris novique

Testamenti Sanctorum utriusque sexus, suum selectarum virtutum odorem

caelestibus quoque charismatibus cumulatum efflavit atque diffudit, ante

et post obitum. Eius sanctimoniae fama magis in dies clara et perseverans viam aperuit Ordinariis inqtiisitionibus super ea perficiendis,- praecipua

inita ab Excmo Patriarcha Philippo Camassei in Patriarchatu Hierosoly-

mitano et ipsius Patriarchae rogatu aliae in aliis nonnullis dioecesibus.

Quibus Actis processualibus expletis et ad S. Rituum Congregationem

delatis, quum, ordine iuris servato, scriptis Servae Dei perquisitis, revisis

et probatis per decretum die 23 Iulii an. 1924, nihil obstet quominus de bea-

tificationis et canonizationis Causa introducenda disceptari possit, instante

R m o P. Iulio Saubat, huius Causae Postulatore legitime constituto, atten-

tisque litteris postulatoriis quorundam Emorum S. R. E. Cardinalium ac

Ex emi Patriarchae Hierosolymitani Aloysii Barlassina et plurium Illmorum

Revmorum Archiepiscoporum et Episcoporum necnon Abbatum, Canoni-

corum ac Superiorum Ordinum et Congregationum religiosarum utriusque

sexus, aliorumque virorum ecclesiastica vel civili dignitate praestantium,

Eíñus ac Rmus Dnus Cardinalis Camillus Laurenti, eiusdem Causae Ponens

seu Relator, in Ordinariis sacrorum Rituum Congregationis comitiis subsi-

gnata die ad Vaticanas aedes coadunatis, sequens dubium discutiendum

proposuit: « An signanda sit Commissio introductionis Causae in casu et ad

effectum de quo agitur f » Et Emi ac Revmi Patres sacris tuendis ritibus

praepositi, post relationem ipsius Emi Ponentis, audito voce et scripto

R. P. D. Carolo Salotti, Fidei Promotore generali, omnibus sedulo

discussis ac perpensis rescribere censuerunt: « Affirmative, seu signandam

esse Commissionem, si Sanctissimo placuerit ». Die 17 Maii .1927.

Facta postmodum de his Sanctissimo Domino nostro Pio Papae XI

per ipsum Fidei Promotorem generalem relatione, Sanctitas Sua, Rescri-"

ptum sacrae Rituum Congregationis ratum habens, propria manu signare