SUPER ELEEMOSYNIS MISSARUM 257

operantur, quae de sacrario sunt edunt, et qui altari deserviunt cum altari participant. » Post alligatam Apostoli adeo coruscan- tem doctrinam, mirum non est, si huiusmodi consuetudo seu di- sciplina ab Ecclesia universali iugiter recepta fuerit. Animadver- tendum tamen est, quod stipendium pro Missae celebratione adsignatum, percipi quidem potest non tamquam Missae pretium vel compensatio, id enim simoniacam iabem redoleret, sed ut medium ad ministri vitae sustentationem ordinatum. Tradunt id communiter Theologi et Canonistae cum D. Thoma, teste Bened. XIV de Synod. Dioec. lib. 5 cap. 8. Reiffenst. lib. 5 Decret, tit. 3 De Simonia cap. IO n. 185 et seq.

Nec refert dives ne, an pauper sit Sacerdos et utrum aliunde habeat quo vitam ducat. Etenim quisque operarius sive pauper, sive dives sit, mercede sua dignus est. Hinc Fagnanus in Cap. Fraternitatis de sepulturis num. 83 a i t - i b i - « Sacri Canones in assignatione stipendii non considerant paupertatem, sed mer- cedem laboris, cum nemo militet propriis stipendiis. » Illud ta- men mercedem laboris, intelligendum est de labore Missae ce- lebrationi utpote pretio extimabili extrinseco, non vero de labore ipsi celebrationi intrinseco, ab eaque inseparabili, hoc siquidem simonia foret. Arg. 6 si quis obiecerit 4 q. 3 et cap. Ad no- stram de Simonia, Amostaz de Causis Piis lib. 2 Cap. 4 num. 2, Reiffenst. Theol. Moral. Tract. 5 dist. 2 qu. 4 num. 33.

Attamen huiusmodi stipendia tractu temporis, forte ob ef- fraenatas hominum cupiditates, sordidis quaestibus ac innumeris incommodis occasionem praebuerunt, ad quae e vel lenda "plures sanctissimae leges atque decreta, diversis temporibus, ab Ecclesia data sunt, ceu videre est apud Bened. XIV Instit. Eccl. 56, De Synod. Dioeces, lib. 5 Cap. 9, De Sacr. Miss. I. 3 cap. 21. Sed missis caeteris legibus, quae antiquitus latae fuerunt, satis sit in praesentiarum ea recolere quae ad rem decrevit Synodus Tridentina Sess. 22 Decret, de observ. et evit. in celebr. Miss.

Post haec Conc. Trid. verba notatu maxime digna, nemini mirum esse debet, si Romani Pontifices quovis tempore,supremae eorum pastoralis sollicitudinis esse duxerunt, omnia proscribere atque reprobare quae contra tanti sacrificii dignitatem sancti-

Acia, tom. XIII, fase. OL. 17