254. In Decollatione s. Iohannis B

1 b. Tibi, pie Iesu Christe,
Celebretur dies iste
Praecursoris et baptistae
Iohannis suffragio.

1 b. Tu, praecursor Iesu Christi,
Nobis esto, qui fuisti;
Imitemur, quae fecisti
Tu re, nos mysterio.

2 a. Mundo Christumpraevenisti,
Christo clausus adplausisti
Ante natalitia.

2 b. Spernat Christus nos intrare,
Ni praecurras nos piare,
Dictus Dei gratia.

3 a. Denodasti linguam patris
Et obstrnsum ventrem matris
Nascendo decrepitis.

3 b. Nostra, velis, sit facunda
Lingua, mensque sit fecunda
Tuis sacris monitis.

4 a. Vox clamantis in deserto
Non figuris sed aperto
Praedicans eloquio,

4 b. Tupraecurris, fac, sequamur,
Fac, te duce gradiamur,
Ne fallamur devio.

5 a. Tu locustam nosque fidem,
Tu mel, sed nos plus quam
idem
Gustemus dulcedinis

5 b. Caritate, qua dulscescit
Cibus omnis et qui nescit
Finem sui nominis.

6a. Aqua sitim repressisti,

Reprimat spes regni Christi
Nostrum desiderium.

6 b. Vinum, siceram vitasti,
Fac errorem fide pasci
Debellaque noxium.

7 a. Te pavisti pastu trino,
Tu nos pasce, sed divino
Virtutum cibamine;

7b. Spes sit potus, fides cibus,
Sapor caritas; his tribus
Ciba servos, Domine.

8 a. Tegimen dedit camelus,
Cinxit lumbos Dei zelus
Impugnans libidinem ;

8 b. Castitatis da loricam,

Uni Christo, quod amicam
Castam demus virginem.

9 a. Tupplus eras quam] propheta,
Reseras Dei secreta,
Tegunt vates ceteri;

9 b. Ab antiquis prophetatum
Pande nobis Dei natum
Umbra vulsa veteri.

10 a. O mirandam, O stupendam,
O naturae praeferendam,
Divinam potentiam!

10b. Umbra lucis in fulgorem,
Vates in demonstratorem
Transit, lex in gratiam.

11a. Inter turmas se prementem,
Mundo peccata tollentem
Agnum Dei, Dei mentem,
Ostendisti digito;

11b. Servis tuis miserere,

Funde lumen lucis verae,
Gratia da nos videre,
Quod nequimus merito.

12 a. Deum patrem audivisti,
Deum spiritum vidisti,
Deum natum dum lavisti
Iordanis in flumine;

12 b. Trino sensu tibi trina
Fulsit unitas divina,
Tua noscamus doctrina,
Trinum uno nomine.

13 a. Inter natos mulierum

Nemo maior te surrexit,

13 b. Durum tamen sentis ferrum,
Quod Herodias illexit.

14 a. Herodis imperio

Rubes ex martyrio,
Castitatis lilium.

14 b. Nostra, fac, devotio
Nos iungat consortio
Supernorum civium,

15. Amice Christi, Iohannes.