254.

R? Hodie,

Regina justitiae,
Adjuva nos hodie.

1. In hac die gloriosa
Nascitur de spinis rosa
Pulchra nimis et formosa.

2. Ante partum virgo erat
Et post partum perseverat,
Ipsa nobis opem ferat.

3. Bene illa sola mater,

Nullus quam cognovit pater,
Per quam serpens victus ater.

4. Jube domne, dicat laeta
Voce lector, jam impleta
Sunt, quae dixerat propheta.

5. Ergo, mater casta, pia
Dei genitrix, Maria,
Inter feminasque prima,

6. Velut lilium cum spina,
Inter filias amica,
Pulchra rosa, margarita,

7. Tu per angelum es docta,
Regi nostro facta porta,
Stella maris, salus nostra.

8. Virgo felix, gloriosa,
Super omnes speciosa,
Tu columba, tu formosa.

9. Consecrata es regina,
Benedicta tua vita,
Te collaudant astra cuncta.

10. Pulchra nimis et decora,
Tuum natum semper ora,
Praefulgens lucis aurora.

11.O Maria, fios sanctarum
Et decus ecclesiarum
Et chori patriarcharum.

12. Te, virgo, nunc adoramus,
Mirum festum celebramus,
Ut cum sanctis gaudeamus.