REFORMATIONIS STATUTORUM CAPITULI. 259

Archiepiscopalium et Episcopalium ecclesiarum, earumque chori quotidiano servitio, nec non rerum ac iurium tam spiritualium quam temporalium prospero felicique regimine, gubernio ac di- rectione , onerumque iis respective incumbentium supportatone, distributionum quotidianarum et aliorum quorumcumque emolu- mentorum exactione ac divisione, et poenarum incurrendarum a non interessentibus divinis officiis incursu, singidorum praesentiis et absentiis notandis, caeremoniis ac ritibus servandis et quibus- vis aliis rebus circa praemissa necessariis et opportunis quaecum- que statuta, ordinationes, capilida et decreta, licita tamen atque honesta et sacris canonibus, Constitutionibus Apostolicis, Decretis- que Concilii Tridentini minime adversantia, sub praesidentia, in- spectione et approbatione respectivorum Archiepiscoporum et Epi- scoporum edere atque edita declarare et interpretari ac in melio- rem formam redigere et reformare, seu alia de novo ab illis ad quos spectat et pro tempore spectabit inviolabiliter observanda sub poenis contra facientes statuendis, pariter concedere atque edere libere ac licite valeant, facultatem perpetuo concedimus et imper- timur. Eadem facultas tributa est in iisdem Litteris Apostolicis Capitularibus ecclesiae N. de qua agimus.

Idem Pontifex Bullae exsecutionem commisit Episcopo Var- miensi, cui expressam tribuit facultatem subdelegandi, praeser- tim in locis ab eius residentia remotis. Subdelegatus ab Epi- scopo Exsecutore ea, quae pertinebant ad Capitulum N. peregit, ac inter caetera eiusdem etiam capitularia statuta tamquam S. Sedis Subdelegatus, diplomate dato, approbavit atque con- firmavit.

Archiepiscopus intra cuius dioecesim Capitulum N. reperi- tur, anno 1857 in relatione status suae ecclesiae exposuit, in- ter capitularia eiusdem statuta haec reperiri: §. 13 «Singulis » diebus saltem Missarum solemniis ab introitu usque ad finem, » si non toti Officio divino, intersint Praepositus et Canonici, a nisi morbus gravis aut absentia legitima in ecclesiae negotiis » eos excuset ; qua quidem praesentia sola non modo fructus » suos facient, sed negligentes etiam quinque argenteis mulcten- » tur in usum Sacristiae impendendis. Vicarii vero omnibus Of- » ficu horis et summo Sacro intersint ; qui sine licentia aberunt » in eamdem mulctam committunt.»