Neapolitana 259

Ita Nostrianus uti bonus Christi miles diuturno septem- decim annorum spatio Neapolitanam Ecclesiam moderatus est, donec pastoralibus virtutibus eminens mentisque plenus in Domino requievit sanctitatis fama praeclarus.

Post haec Defensor demonstrandum aggreditur, iudicum ab Emo Neapolitano Archiepiscopo delegatorum sententiam solemni S. Rituum Congregationis iudicio esse comprobandam ab eaque confirmandum cultum ab immemorabili tempore Servo Dei Nostriano exhibitum. Qua in re, ut ordini simul et claritati inserviat, expendit in primis vetustissima, quae ab histo- ricis ac testibus in hac causa adductis recensentur, documenta publici et ecclesiastici cultus Nostriano praestiti; additis deinde iis, quae a saeculo xv ad nostram usque perveniunt aetatem.

Et ad vetustissima cultus monumenta quod attinet prae primis illud memorat, quod ex sepulcri loco consurgit. Explo- ratum siquidem est, quod quinto Ecclesiae saeculo in Sacellis templisque nonnisi Sanctorum corpora condebantur. Huius- modi autem sanctitatis testimonium S. Nostriano tributum fuisse ex historia patet. Sciendum est enim, quod S. Gau- diosus, cum extra urbis moenia, quo aditus Christianis pate- fiebat ad venerandas martyrum reliquias in catacumbis quie- scentes, pium eremum erexisset, curavit ut in huius eremi Ecclesìa seu sacello mortales Nostriani exuviae debito sanctis viris honore tumularentur. Cuius rei testis insignis est Ioannes diaconus, in cuius chronico haec de Nostriano leguntur: « Qui bonis operibus agens in Domino requievit (hoc est iuxta anti- quitatis loquendi morem cum sanctitatis fama decessit) et sepultus est in Ecclesia B. Gaudiosi ». Eximium autem fuisse cultum, quo S. Antistitem fideles colebant, ostendunt eius exuviae illustriori prae caeteris coemeterii loco conditae et pari cum S. Gaudioso in honore habitae. Quin et aram prope easdem erectam fuisse haud obscuris argumentis deducitur a testibus christianae archeologiae peritissimis.

Aliud veteris cultus indicium Defensor desumit ex episco- pali Cathedra, quam ad sacra peragenda mysteria cum S. Gau-