SDPER ELEEMOSYNIS MISSARUM 2o9

EA QUAE CONSUETUDINI ADVERSANTUR. Hisce in iure praeiactis,

videtur agendi ratio, quam nonnulli Parochi in quibusdam Gal- liarum dioecesibus tenent, allatis Constitutionibus contraria re - perir i , et simoniae vitio laborare; ideoque omnino tolerari haud posse. Siquidem explorati facti est, Apostolicum indultum Pa- rochis concessum, celebrandi nempe iuxta intentionem stipendium seu eleemosynam dantis, ss. Missae Sacrificium, quae pro populo applicanda foret, haud absolute et inconditionate a Pontifice datum fuisse, sed ea lege ut oblatum a Christifidelibus stipen- dium ad Episcopos mitteretur, et pro piis operibus Dioecesanis a s. Sede determinatis impenderetur. Si igitur firmum in iure est quod celebranti ex integro eleemosyna sit tradenda, conse- quens est, ut eleemosynae in themate pro Missis oblatae, pariter piis operibus ex integro applicentur, quin Parochi ullam partem sibi retinere valeant. Eo vel fortius quia Pontifex, tali privilegio apostolico, ad Parochorum conditionem non respexit; sed piorum operum, iis in locis existentium, favorem unice in mente habuit. Porro si Parochorum hypothesis recipienda foret, Pontificis in- dultum, non ad unicum piorum operum favorem respexisset, sed commodum etiam Parochorum eorumque lucrum pro fine habuisset.

Praeterea explorati pariter facti est, quod huiusmodi Mis- sarum celebrationes, stant loco earum quae a Parochis pro populo celebrandae forent. Porro sicut Parochi ex Missis festivis ab Ecclesia designatis, quae pro populo celebrantur, nihil reci- piunt omnino,ita a pari nullam vel minimam eleemosynae partem, ex iis Missis quae a Fidelibus celebrandae afferuntur, sibi reti- nere posse, recta ratio dictat. Ubi enim eadem est rat io , ibi et eadem legis dispositio esse debet.

Hisce itaque tum in iure, tum in facto perpensis, tuto con- cludi posse videtur, hanc agendi rationem nullo pacto sustineri posse.

EA QUAE CONSUETUDINI FAVENT. Ex altera vero parte non- nulla occurrunt animadvertenda. Non est inficiandum quod Sacerdos, si alteri, Missam a se celebrandam committit, stipen- dium ipsi oblatum, quantumvis assueto pinguius, ex integro tradere