260 Neapolitana

dioso Nostrianus in eius Ecclesia adhibuit. Haec enim ab aevo religiose observata adhuc veneratur in Ecclesia, quae super vetus coemeterium extructa a B. Maria Virgine e -Sanitate nomen accepit ; in eaque legitur inscriptio : « Episcopalium functionum Sedes, quam S. Nostrianus Episcopus Neapolitanus et S. Gaudiosus Episcopus Bithyniensis aliique Praesules in his Christianorum Coemeteriis decorarunt ».

Tertium et quidem praeclarissimum publici cultus docu- mentum Defensori suppeditat translatio exuviarum S. Nostriani a veteri S. Gaudiosi Ecclesia ad Diaconiam S. Ianuarii ad Ulmum, eo loci sitam, quo S. Antistitis balneum propriis sumptibus erexit ; quae translatio, etsi nesciatur quo advenerit anno, tamen indubie demonstratur peracta vel saeculo x labente, vel exordiente xr. Etenim nonnisi Sanctorum corpora ex sub- urbanis coemeteriis, uti primum tumulata fuere, extrahi et in catholicarum urbium ecclesiis fidelium venerationi exponi consueverunt, sive ut a barbarorum impietate illaesa serva- rentur, sive quia periucundum erat fidelibus sacra avitae reli- gionis pignora propius venerari. Hanc demonstrationis vim adauget solemni eiusdem translationis pompa, cuius perenne monumentum in posterorum memoriam pertransiit, via scilicet ac platea, quae ad Ecclesiam aditum pandit S. Nostriani nomine insignita ; ipsaque vetus Diaconia passim tum Sancti Ianuarii, tum quoque Sancti Nostriani appellatione distincta. Accedit quod pretiosum eius corpus sub maxima illius templi ara digniori loco marmorea urna repositum fuit, divinum que sacrificium tot labentibus saeculis ad nostram hanc usque aeta- tem super eius ossibus celebratum. Iam vero tantummodo super Sanctorum corpora extolluntur arae venerandaque religionis mysteria celebrantur. Hinc ubi alia non suppeditaret sole- mnis cultus demonstrandi ratio, altare ipsum quod Antistitis reliquias suscepit, erectum aetate ab ipsis Urbanianis decretis valde remota, aptissimum esset tum ad cultus antiquitatem, tum ad eius haud interruptam ad nostra haec usque tempora progressionem ostendendam.