Neapolitana 261

Defensor gradum deinde faciens ex ordine praestituto ad expendenda argumenta cultus a saeculo xv ad nostram usque aetatem, in primis appellat ad duplicem corporis S. Nostriani recognitionem percurrente Urbanianae praescriptionis aevo peractam ; ex quo factum est ut Servi Dei sanctitas pluri- morum eo tempore oblivione neglecta, novo miraculorum lumine in memoriam Neapolitanorum civium excitaretur.

Anno 1854 Card. Hannibal Capuanus Neapolitanus Anti- stes, peragens visitationem Ecclesiae S. Ianuarii ad Ulmum, a Parocho et Confratribus piae cuiusdam societatis septua- ginta duorum Sacerdotum sub titulo et patrocinio S. Michaelis Archangeli quae in ea paroecia sedem constituerat, relatum habuit (prout in Actis visitationis legitur) sub ara maiori « ser- vari corpus cuiusdam Sancti Viri, prout ex antiqua traditione dixerunt haberi ». Et revera sub eodem altari « fuit reperta arca ex marmoreo lapide plena cineribus et ossibus cum quibusdam velis consumptis ». Arca cum reliquiis fuit eadem sub ara reposita. Verum anno 1612 cum praedicti confratres cuperent chorum maiori amplitudine construere, ad quod per- ficiendum oportebat priscum altare ad meliorem formam redi- gere, accidit ut S. Nostriani reliquiae denuo in lucem prodierint. En quomodo narrat accuratissimus Neapolitanarum rerum historiographus Chioccarellus : « In S. Ianuarii Ecclesia arcula quaedam marmoream vetustissimo in maximo altari reperta est die 16 augusti anni 1612 cum Neapolitanae Ecclesiae praeesset D. Octavius Card. Acquaviva, qua Eius sacra pignora atque integra ossa asservabantur, in qua haec, inscriptis, in marmore longobardis litteris, sculpta habebantur - Corpus S. Nostriani Episcopi ». In hac altera S. Corporis recogni- tione placuit Altissimo, illustri quodam portento Servi sui Sanctitatem in memoriam fidelium revocare. Testante enim eodem Chioccarello, qui recognitioni intererat « tanta odoris fragrantia ex eius ossibus manabat, ut non humanum, sed coeleste potius odorem putares, et obstupescerent omnes ». Antequam autem gloriosae S. Nostriani exuviae sub instaurato