SUPER ELEEMOSYNIS MISSARUM 261

cum cantu, vel quia de Missa sermo est, nimis cito, vel versa vice nimis sero celebranda, vel tandem quia aliquod iter est fa- ciendum. Cum itaque ob unum ex hactenus adductis, fortius vero si omnia concurrant, sacerdotem, qui in alterum Missae cele- brandae onus transfert, posse assueti stipendii excessum sibi retinere Theologi et Moralistae communiter t radunt , concluden- dum videtur quod Parochi in themate eleemosynae Missarum excessum sibi retinere possint et valeant. Quandoquidem tituli extrinseci pro hac eleemosynae parte retinenda, si Parochis fides praestanda, in themate adesse videntur.

His utrinque perpensis EE. PP. dirimere remissum fuit sequens

E9ubium

An Parochi, misso ad Episcopum stipendio a statutis Dioe- cesanis taxât o, valeant sibi Missarum eleemosynae excessum re- tinere in casu.

RESOLUTIO. Sacra C. Congregatio sub die 31 Ianuarii 1 8 8 0 censuit respondere:

Negative, nisi morali certitudine constet, excessum communis eleemosynae, oblatum fuisse intuitu personae vel ob maiorem laborem aut incommodum.

Ex QUIBUS COLLIGES : I Cum nemo militet propriis stipendiis, ideo qui in sacrario operantur, quae de sacrario sunt edunt, et qui altari deserviunt, cum altari participant.

II Huic Apostoli Pauli doctrinae inniti consuetudinem, qua fit, ut Sacerdotes sacrum litantes, eleemosynam a Christifidelibus oblatam accipere valeant, non ut Missae pretium, sed uti medium, ad ministri vitae sustentationem ordinatum.

III Effraenatas vero presbyterorum cupiditates, tractu tem- poris effecisse, ut stipendia haec innumeris incommodis aut sordidis quaestibus occasionem praebuerint, quae sacrificii di- gnitatem et sanctitatem inficerent.

IV Romanos Pontifices et Concilia pluries damnavisse quid- quid redoleret avaritiam aut turpem quaestum, quoad eleemo- synas Missarum.