Ex S. C. Rituum 261

tis sacrae B. Gerardi reliquiae admoventur, statimque somno refectus infirmus mirum ! evigilat ac sanus est.

De quibus miraculis, quae sequestro B. Gerardo fuerunt patrata, quinquies actum; nempe duplici antepraeparatorio coetu apud cia. me. Cardinalem Caietanum Aloisi-Masella S. R. C. Praefectum, Causaeque Ponentem, sexto idus Novem- bres anno MDCCCXCVIII , et resumpta causa octavo cal. Dé- cembres MDCCCCIII penes Rmum Card. Dominicum Ferrata Causae Relatorem in Cardinalis Aloisi-Masella vita defuncti locum suffectum : duplici praeparatorio conventu in Vaticanis Aedibus quarto calendas septembres anno MDCCCXCIX et pri- die cal. Iunias volventis anni; demum in generalibus comitiis coram Sanctissimo Domino Nostro Pio Papa X habitis septimo calendas augusti eodem anno. Qua in postrema Congregatione idem Rmus Cardinalis Dominicus Ferrata quum dubium proposuisset: «An et de quibus miraculis, post indultam eidem Beato venerationem, constet in casu et ad effectum de quo agitur», atque omnes qui interfuere Rmi Cardinales, et Patres Consultores affirmativam sententiam edidissent, Beatissimus Pater mentem suam patefacere distulit, ut in tam gravi difficilique negotio tempus precationi esset ad caelestis luminis ampliorem opem expostulandam.

Hoc autem faustissimo die, quo omnes ingenti laetitia gestire videntur ob gloriam divinae Matris in caelum evectae, idem SSmus Pater Sacris in suo sacello pientissime operatus, hanc Vaticanam nobiliorem aulam adiit et Rmos Cardinales acciri iussit Aloisium Tripepi S. R. C. Pro-Praefectum, atque Dominicum Ferrata Causae Ponentem, nec non R. P. Ale- xandrum Verde Fidei Promotorem -, meque insimul infrascri- ptum a Secretis, iisque adstantibus solemni sanxit decreto: « Constare de duobus propositis miraculis » ; scilicet de primo : «Instantaneae perfectaèque sanationis Valeriae Baerls in su-

premo vitae agone constitutae ex febri typhoidea ad extremum stadium perducta et meningiti cerebrali consociata » ; et de

Acia S. Sedis, Vol. XXXVII, Jasc. 4. 17