258.

1. Fructu plena gratiae,
Salve, regis gloriae

Mater sordis nescia,
Eos totius veniae,
Cui cedit nequitiae
Arens immunditia.
2. Ave, cujus munere
Mortis clausus carcere
Homo vitae redditur,
Nodum solvens criminis,
Quo solutus agminis
Coeli civis oritur.

3. Cunctis salve sanctior
Et eisdem purior

Ex partu virginibus,
In te Deum capiens,
Nil mundanum sapiens

In mundi turbinibus.
4. Sola spes es miseris,
Sola nostri generis

Salvatorem concipis,
Cujus dono ceteris
Praees numen superis,

Saevum hostem decipis.

5. Votum ergo servuli
Audi, cum sis populi
Credentis refugium,
Ut ei des vivere,
Ut post vitam sumere
Possit juge gaudium.